ЕАЭО мен Моңғолия 2027 жылға ет жеткізу көлемін белгіледі

АСТАНА, 16 қыркүйек – Sputnik. Моңғолиядан ЕАЭО елдеріне 2027 жылға арналған ет жеткізудің индикативті жоспары осы елмен Уақытша сауда келісімін іске асыру жөніндегі бірлескен комитеттің бірінші отырысында анықталды, деп хабарлады Еуразиялық экономикалық комиссия.

© Photo : Пресс-служба Евразийской экономической комиссииПервое заседание Совместного комитета по реализации Временного торгового соглашения с Монголией

Первое заседание Совместного комитета по реализации Временного торгового соглашения с Монголией

© Photo : Пресс-служба Евразийской экономической комиссии

Келісім бойынша жұмыс органдарының жұмыс істеу тәртібі Моңғолияның Улан-Батор қаласында ЕАЭО сауда министрі Андрей Слепнев пен Моңғолияның бірінші вице-премьер-министрі Жадамбын Энхбаярдың төрағалығымен өткен кездесуде талқыланған мәселелердің қатарында болды.

"Моңғолия тарапы Уақытша сауда келісімін ұзақ мерзімді перспективада сауда-экономикалық ынтымақтастықты дамытудың негізі ретінде қарастырады. Біз өзара сауданы кеңейтуге бағытталған шешімдерді бірлесіп әзірлеуіміз керек", - деді Жадамбын Энхбаяр.

Сондай-ақ, комиссия белгілі бір шаралардың, әсіресе ветеринариялық-санитариялық бақылау, техникалық реттеу және кедендік ынтымақтастық салаларындағы ілгерілеуді қарастырғанын хабарлады.

ЕАЭО тарабы Моңғолия нарығына темекі және темекі өнімдері, жұмыртқа, консервіленген балық пен ет, алкогольді ішімдіктер және ұнға қолжетімділік мәселесін көтерді.

Моңғол әріптестерге серіктес елдердің қосылуы үшін ашық ЕАЭО-ның бірыңғай кедендік транзит жүйесі де таныстырылды.

"Уақытша сауда келісімі күшіне енді. Енді оны жүзеге асырудың қиын жолы тұр. Өйткені біз қысқа мерзім ішінде Моңғолия тарапының да, ЕАЭО-ның да оның қажеттілігіне күмәнданбауын және толыққанды, ашық еркін сауда келісімін жасасу туралы шешім қабылдау керектігін қамтамасыз етуіміз керек", - деді Андрей Слепнев.

Министр Бірлескен комитетпен қатар өтіп жатқан Ресей мен Моңғолия аймақтарының екінші форумының пленарлық отырысында тараптар арасындағы сауда-экономикалық ынтымақтастық туралы баяндама жасады.