ЕАЭО мұнай және газ құбырларына арналған талаптарды жаңартты

АСТАНА, 24 желтоқсан - Sputnik. Еуразиялық экономикалық комиссияның отырысында "Сұйық және газ тәрізді көмірсутектерді тасымалдауға арналған магистральдық құбырларға қойылатын талаптар туралы" ЕАЭО стандарттарының жаңартылған тізімдері бекітілді.

Ерікті түрде қолдану көрсетілген техникалық регламенттің талаптарын сақтауды қамтамасыз ететін стандарттар тізімі 264 тармақты қамтиды.

Техникалық регламент талаптарын қолдану және орындау үшін қажетті сынама алу ережелерін қоса алғанда, зерттеу (сынақтан өткізу) және өлшеу ережелері мен әдістерін қамтитын стандарттар тізімі 179 тармақтан тұрады.

Тізімдерге барлығы 131 стандарт енгізілген, оның 64-і мемлекетаралық және 67-сі ұлттық стандарт.

Өзгерістер ЕЭК Алқасының шешімі ресми жарияланғаннан кейін 180 күнтізбелік күннен кейін күшіне енеді.