Энергетика министрлігі мұнай газ саласындағы кәсіби стандарттарды жаңартты

Сурет: freepik.com

ҚР Энергетика министрлігінде Газ өнеркәсібі департаментінің жұмыс тобы «Мұнай мен газды тасымалдау және сақтау» бағытындағы кәсіптік стандарттарды жаңарту мәселесін талқылады.

Министр 2025 жылғы 15 қазанда тиісті бұйрыққа қол қойып, мұнай мен газды сақтау және тасымалдау бойынша 5 кәсіби стандартты бекітті. Оларға 51 кәсіби қызмет картасы енгізілген, оның ішінде 3 стандарт газ тасымалдауға, 2 стандарт мұнай тасымалдауға қатысты.

Бекітілген стандарттар:

Технологиялық жабдықтарды пайдалану және жөндеуМагистральдық құбыр желілерін пайдалануКомпрессорлық станцияларды пайдалану және жөндеуГаз тарату құбырларын пайдалану және жөндеуГаз тасымалдауды басқару

Кәсіби стандарт жобалары Әділет министрлігінің ресми платформасында жариялануға жолданды. Газ өнеркәсібі департаменті директорының орынбасары Ержан Қошқаров 2025 жылға арналған «Мұнай мен газды тасымалдау және сақтау» салалық кеңестің жұмыс жоспары толық орындалғанын атап өтті.

Сонымен қатар, министрдің бұйрығымен «Мұнай мен газды өңдеу және өткізу» бағыты бойынша жаңа стандарт бекітілді. Ол мұнай-газ өңдеу және химия өнеркәсібінде өндірісті басқаруға арналған 6 мамандық картасын қамтиды.

Жыл басынан бері төрт жұмыс тобы мен төрт салалық кеңес отырысы өткізіліп, кәсіби стандарт жобалары жан-жақты талқыланды. Салалық ұйымдар 2026 жылға арналған 8 жаңа мамандық картасын ұсынды, ал компаниялар саладағы мамандықтар бойынша жан-жақты талдау жүргізді.

Бүгін, 15:06