Эйфель мұнарасының бір бөлшегі сатылымға шығарылды

Парижде аукционда Эйфель мұнарасының 1889 жылы Гюстав Эйфельдің жетекшілігімен салынған түпнұсқа шиыршық баспалдақтың бір бөлігі сатылымға шығарылады. Бұл бөлшек кезінде мұнараның екінші және үшінші деңгейлерін жалғап тұрған, яғни дәл осы баспалдақпен Францияның басты символына алғашқы келушілері жоғары көтерілген.

Лоттың бағасы — 40–50 мың еуро. Құрылымның биіктігі шамамен 2,7 метр, ішінде 14 металл баспалдақ бар. Баспалдақ 1983 жылы бөлшектеліп, 24 бөлікке бөлінген. Олар қазір әлемнің түрлі музейлері мен жеке коллекцияларында сақтаулы.

Қазіргі уақытта 14 метрлік бір фрагмент мұнараның бірінші деңгейінде орналасқан, ал қалғандарын Орсе музейі, Ла-Виллетт және Париждегі темір музейінен көруге болады. Қалған 20 бөлігі сатылып кеткен, бұл бөлшектер әлемнің әр түкпірінде — Диснейлендтен бастап Яманаси префектурасындағы жапон бақтарына дейін орналасқан.

Саудаға шығарылған сирек бөлік 2,5 метр биіктікте және жақында қалпына келтірілген — 40 жылдан астам уақыт жеке коллекцияда болғаннан кейін оған бастапқы қоңыр түсі қайта берілді.

Еске сала кетейік, сирек кездесетін Pokemon картасы Нью-Джерсидегі аукционда сатып алушының ақысын қосқанда рекордтық 16,49 миллион долларға сатылды.