Елордада шырша саудасы қызып тұр

Астана көшелерінде қылқан жапырақтылардың жұпар иісі аңқиды.

Жаңа жылға санаулы күндер қалғанда елордада шырша саудасы қызды. Сатушылар биыл сұраныстың ерекше жоғары екенін айтады. Тіпті бойы 5 метрге жететін алып ағаштарды да іздеп келетіндер көп. Алайда мерекелік көңіл-күй заң бұзушылыққа ұласпауы тиіс. Рұқсатсыз ағаш кескендерге қандай айыппұл салынады? Бағалар қалай құбылып тұр? 

Сауда нүктелерінде мерекелік қарбалас байқалады. Сатушылардың айтуынша, биыл табиғи шыршаға сұраныс  артқан. Қала тұрғындары жасанды шыршадан гөрі, үйге жаңа жылдық көңіл күй сыйлайтын, орманның аңқыған иісі бар тірі ағашты таңдауда.

Артём Пальчунов, кәсіпкер:

- Сұраныс өте жақсы, жылдан-жылға артып келеді. Жаңа жыл бұл ерекше мереке, сондықтан үйдің төрінде тірі шырша тұруы керек. Барлығы Ресейден, Екатеринбург, Пермь жақтан, түгелдей сол жақтан әкелеміз. Құжаттардың толық пакеті бар, салық төленген, бәрі заңды.

Нарықтағы бағаға келсек, қарағайлар 10 мың теңгеден, ал шыршалар 15 мың теңгеден басталады. Сатушылар бойы 5 метрге жететін алып ағаштарды 200-300 мың теңгеге дейін бағалап отыр.  Бұл ағаштардың барлығы көрші мемлекеттерден әкелінген.

БЛИЦ:

-  Жыл сайын біз шыршаны безендіреміз.оған күшті ойыншықтарды іліп қоямыз. Ол көңіл ғой бәрі.  Жаңа жыл балалардың көңіл-күйіне арналған ғой.  Сол себепті оны тойламау дұрыс емес деп ойлаймын.

- Жаңа жылды жыл сайын ата-анаммен, отбасымен тойлайтынбын. биыл группаластармен қарсалғым келіп отыр. Біз әдетте жасанды шыршаны аламыз. Себебі табиғи шырша кішкене қаражатқа қиын түсуі мүмкін. Жыл сайын жинап, құрып тұрамыз. 

- Жаңа жыл отбасылық көңіл-күй үшін жақсы негізінде.  Жасанды шырша аламыз. Үйдегі кішкентай балалардың көңілі деп безендіретініміз бар. 

Наргиз Бекмағанбетова, тілші:

- Мерекелік қарбаласты алаяқтар да аңдып отыр. Әлеуметтік желілердегі "арзан шырша" туралы жарнамалардың соңы көп жағдайда өкінішпен аяқталуда. Ішкі істер министрлігі әлеуметтік желілердегі күмәнді жарнамалардан сақ болған жөн дейді. Арзан бағамен шырша ұсынып, алдын ала төлем сұрайтын «виртуалды дүкендердің» көбі әккілер. Тәртіп сақшылары қаржыны тек ресми сауда нүктелеріне төлеуге кеңес береді. Сондай-ақ мамандар мемлекеттік орман қорынан заңсыз ағаш кескендерге қатаң жаза қолданылатынын ескертеді.

Ринат Нұргазин, ҚР ЭТРМ орман шаруашылығы және жануарлар дүниесі комитеті басқармасының бас сарапшысы:

- Биыл мемлекеттік орман қорының аумағында жас өскіндерді шырша үшін кескен жағдай болса, 50 АЕК-тен аспаса, онда әкішілік құқық бұзушылық 381/1 бабымен жауапкершілік қарастырылған. осындай жағдай ерекше қорғалатын табиғи аумақтарда орналасса, егер шығыны 50 АЕК-тен аспаса, ондай айыппұлдың көлемі, 150 АЕК көрсетеді. егер 50 АЕК-тен асып кетсе, маңызы көп ірі шығын болса, онда қылмыстық жауапкершілік қарастырылған.

Мамандардың айтуынша, заңсыздыққа жол бермеу үшін шыршаны тек рұқсат қағазы бар орындардан алған жөн.

Наргиз Бекмағанбетова, Жандос Битабаров, Руслан Әлиев