Емделіп жатқан еді: Президенттің сенімді серігі түнделетіп тосыннан келді (ВИДЕО)

Қырғызстанның Ұлттық қауіпсіздік мемлекеттік комитетінің бұрынғы төрағасы Қамчыбек Ташиев елге қайта оралды, деп хабарлайды Arasha.kz.

Мәліметке сәйкес, экс-басшы 13 ақпанға қараған түні "Манас" халықаралық әуежайына келген. БАҚ өкілдерінің жазуынша, Ташиев әуежайдан бірден көлікке отырып, кетіп қалған. Журналистердің сұрақ қоюына мүмкіндік болмаған.

Бұған дейін оның жақтастары саясаткердің ем-домын толық аяқтамай жатып, елге оралу туралы шешім қабылдағанын хабарлаған еді.

Еске салайық, 10 ақпанда Қамчыбек Ташиев Қырғызстан Министрлер кабинетінің төраға орынбасары – Ұлттық қауіпсіздік мемлекеттік комитетінің төрағасы қызметінен босатылғаны белгілі болды. Тиісті жарлыққа Қырғызстан президенті Садыр Жапаров қол қойған.

Президенттің баспасөз қызметінің мәліметінше, бұл қадам "мемлекеттің бірлігін нығайту мен қоғамдағы, соның ішінде мемлекеттік құрылымдар арасындағы алауыздықтың алдын алу" мақсатында жасалған.