​Энергетика министрлігі сұйытылған газ бағасын 2026 жылдың ортасына дейін тұрақтандырды

Қазақстан Республикасы Энергетика министрлігі ішкі нарықта сұйытылған мұнай газын көтерме саудада өткізудің шекті бағасын бекітті. Қаулы 2026 жылғы 1 қаңтардан бастап күшіне еніп, 30 маусымға дейін қолданылады, деп хабарлайды ҚазАқпарат.

Көтерме баға: 59 722 теңге/тонна (ҚҚС-сыз). Бұл деңгей 2025 жылғы 1 тамыздан бері өзгеріссіз сақталып отыр. Бұған дейін өңірлер бойынша бөлшек саудадағы шекті бағалар белгіленген:

Астана және Алматы — 112 теңге/литр Маңғыстау облысы — 72 теңге/литр Ақтөбе, Атырау және Батыс Қазақстан облыстары — 85 теңге/литр Жамбыл, Қызылорда, Түркістан облыстары және Шымкент — 102 теңге/литр

Қашықтағы елді мекендер үшін бөлек тарифтер қолданылады:

Кейбір аймақтарда — 117 теңге/литрге дейінАтырау облысында — 90 теңге/литрге дейінМаңғыстау облысында — 77 теңге/литрге дейін

Министрліктің шешімі сұйытылған газ нарығындағы баға тұрақтылығын қамтамасыз етуге және халық пен бизнес үшін отын құнының күрт өзгеруіне жол бермеуге бағытталған.

Бүгін, 15:01