​Энергетика вице министрі кім болады? Үміткер Ерлан Ақбаров туралы мәлімет

Энергетика министрлігінде кадрлық өзгерістер күтілуде. Бірнеше дереккөзден түскен ақпаратқа сәйкес, Қазақстан Республикасының Энергетика вице-министрі қызметіне Өнеркәсіп және құрылыс министрлігі Геология комитетінің төрағасы Ерлан Ақбаровтың кандидатурасы қарастырылуда, деп хабарлайды Petrocouncil.kz.

Ерлан Есенәліұлы Ақбаров 1975 жылғы 25 сәуірде Оңтүстік Қазақстан облысында дүниеге келген. В.И. Ленин атындағы Қазақ политехникалық университетін, М.Х. Дулати атындағы Тараз мемлекеттік университетін, Қарағанды техникалық университетін бітірген.

Еңбек жолын 1998 жылы Жаңаөзен қаласындағы «ӨзенМұнайГаз» АҚ-да оператор болып бастады. 2002-2005 жылдары «Қазбұргаз» АҚ-да инженер-геолог болып жұмыс істеді.  Әр жылдары жеке меншік компанияларда қызмет етті.

2018 жылғы қаңтардан 2019 жылғы сәуірге дейін – «Алматы қаласындағы ҚР Инвестициялар және даму министрлігі Геология және жер қойнауын пайдалану комитетінің «Оңтүстікқазжерқойнауы» Оңтүстік Қазақстан өңіраралық геология және жер қойнауын пайдалану департаменті» РММ басшысының орынбасары.

2019 жылғы сәуірден бастап – «Алматы қаласындағы ҚР Индустрия және инфрақұрылымдық даму министрлігі Геология және жер қойнауын пайдалану комитетінің «Оңтүстікқазжерқойнауы» Оңтүстік Қазақстан өңіраралық геология және жер қойнауын пайдалану департаменті» РММ басшысы. 

2020 жылғы маусымнан 2021 жылғы маусымға дейін – «Қазгеология» Ұлттық геологиялық барлау компаниясы» АҚ басқарма төрағасының орынбасары. 

2021 жылдан 2022 жылға дейін — «КАЗКЕНГЕО» ЖШС директорының орынбасары болды.

2022 жылдың қазанынан бастап қазіргі уақытқа дейін — ҚР Өнеркәсіп және құрылыс министрлігі Геология комитетінің төрағасы.

Бүгін, 17:32