Сұңғат Есімханов энергетика вице министрі қызметінен босатылды

Сұңғат Есімханов энергетика вице-министрі қызметінен босатылды, - деп хабарлайды Tengrinews.kz.

"Қазақстан Республикасы Үкіметінің қаулысымен Сұңғат Қуатұлы Есімханов Қазақстан Республикасының энергетика вице-министрі қызметінен босатылды", - делінген Үкіметтің баспасөз қызметі хабарламасында.

Сұңғат Есімханов 1973 жылы Павлодар облысында дүниеге келген. Павлодар индустриялық институтын, "Болашақ" Қарағанды өзекті білім беру институтын бітірген.

1996-2000 жылдары "Қазақстан Алюминийі" АҚ-да еңбекті нормалау инженері, экономист болып жұмыс істеген.

2001-2004 жылдары - Табиғи монополияларды реттеу, бәсекелестікті қорғау және шағын бизнесті қолдау агенттігінде жетекші маманның міндетін атқарушы, бас маман, бөлім бастығы, басқарма бастығы.

2004-2007 жылдары Табиғи монополияларды реттеу, бәсекелестікті қорғау агенттігінің құрылымдарында жұмыс істеп, әр жылдары Маңғыстау және Қарағанды облыстары департаменттерінің директоры қызметтерін атқарды.

2008 жылы - "Қаныш Сәтпаев атындағы канал" РМК бас директорының орынбасары.

2008-2010 жылдары - Павлодар облысы энергетика және коммуналдық шаруашылық басқармасы бастығының міндетін атқарушы, басқарма бастығы.

2010-2013 жылдары - "Қазақэнергосараптама" АҚ президенті.

2013-2014 жылдары - Индустрия және жаңа технологиялар министрлігінің Электр энергетикасы және көмір өнеркәсібі департаменті директорының міндетін атқарушы, департамент директоры.

2014-2018 жылдары - Энергетика министрлігі Атомдық және энергетикалық қадағалау мен бақылау комитетінің төрағасы.

2018-2020 жылдары - энергетика вице-министрі.

2020-2021 жылдары - Павлодар облысы әкімінің бірінші орынбасары.

2021-2022 жылдары - "Самұрық-Энерго" АҚ басқарма төрағасы.

2022 жылдан 2023 жылдың желтоқсанына дейін - Энергетика министрлігі Атомдық және энергетикалық қадағалау мен бақылау комитетінің төрағасы.

2023 жылдың желтоқсанында энергетика вице-министрі болып тағайындалған.

Бүгін Сұңғат Есімханов "Әділет" партиясынан Құрылтай депутаты болғаны белгілі болды.

Google News арқылы жаңалықтарымызды қадағалаңыз