ЕҚҚДБ сарапшысы Қазақстанда ЖІӨ өсімінің баяулауын болжады

Сонымен қатар, ол Қазақстанды Еуразиядағы ұзақ мерзімді инвестициялар үшін ең тартымды стратегиялық нарықтардың бірі деп атады.

"Нақты көрсеткіштер бұл пікірді дәлелдейді: 2025 жылдың қорытындысы бойынша Қазақстанның ЖІӨ-і 6,5%-ға өсті. Бұл – соңғы он жылдағы ең жоғары нәтижелердің бірі. Ал 2026 жылға арналған халықаралық ұйымдардың (ЕҚҚДБ, Халықаралық валюта қоры және Дүниежүзілік банк) ортақ болжамы бойынша экономикалық өсім шамамен 4,5–4,7% деңгейінде болады. Бұл құлдырау емес, бұл – екі жыл бойы өте жоғары өсімнен кейінгі қалыпты жағдайға келу", – деді Асқар Намазбаев.

Ол тұрақты әрі болжамды экономикалық өсім ұзақ мерзімді инвесторлар үшін аса маңызды екенін атап өтті.

"ЕҚҚДБ Қазақстанда 1992 жылдан бері жұмыс істейді. Осы уақыт ішінде банк ел экономикасына 335-тен астам жоба аясында 10,6 миллиард еуродан астам инвестиция салған. Бұл көрсеткіш ЕҚҚДБ-ны Қазақстандағы ең ірі институционалдық инвесторлардың біріне айналдырады. Машина жасау – басты бағыттардың бірі. Бұл сала елдің өнеркәсіптік жаңғыртылуындағы негізгі секторлардың бірі болып саналады". Асқар Намазбаев

Бұған дейін доллар бағамы неге төмендеп жатқанын жазғанбыз.