ERG мен Жапония әріптестігі: Галлий өндірісіндегі Қазақстанның серпілісі

Президент Қасым-Жомарт Тоқаевтың Жапонияға мемлекеттік сапары аясында Eurasian Resources Group (ERG) жапондық жетекші компаниялармен бірқатар стратегиялық келісімге қол қойды. Бұл келісімдер Қазақстанның сирек және аса маңызды минералдар нарығындағы орнын нығайтып, жоғары технологиялық өндірістерді дамытуға серпін береді, деп хабарлайды Egemen.kz.

Сапар барысында ERG пен Mitsubishi Corporation RtM Japan Ltd галлий жеткізілімдеріне қатысты ұзақмерзімді келісімшарт жасасты. Аталған жоба іске асқан жағдайда, Қазақстан әлемдік галлий өндірісі бойынша екінші орынға шығу мүмкіндігіне ие болады.

Галлий өндіру технологиясы «Қазақстан алюминийі» АҚ Павлодар алюминий зауытындағы өндірістік ерітінділер негізінде жүзеге асырылады. Бұл – ERG Research and Development компаниясы әзірлеген бірегей технология. Ол негізгі өнім – глиноземнің сапасын арттырып қана қоймай, стратегиялық тұрғыда аса маңызды әрі жоғары сапалы металл алуға мүмкіндік береді.

Галлий өндіретін жаңа учаскенің құрылысына 12,5 млрд теңгеден астам инвестиция құйылып, 70 жаңа жұмыс орны ашылады. Жаңа өндірістің жобалық қуаты – жылына 15 тонна. Алғашқы өнім 2026 жылдың бірінші тоқсанында алынбақ. Жоба толық іске қосылған соң, Қазақстан галлий өндіру көлемі бойынша әлемдік көшбасшылар қатарына қосылады.

ERG Директорлар кеңесінің төрағасы әрі бас атқарушы директоры Шухрат Ибрагимов бұл жобаның стратегиялық маңызын атап өтті:

– Мемлекет басшысы Жолдауында сирек кездесетін металдар мен аса маңызды минералдардың жаһандық өндіріс және жеткізу тізбектеріндегі рөлін күшейту қажеттігін айқындады. Галлий – электроника мен заманауи технологиялар үшін аса қажет металл. Mitsubishi Corporation RtM Japan Ltd-мен серіктестік отандық өндірісті дамытып, Қазақстанның жоғары технологиялық материалдар нарығындағы позициясын нығайтуға мүмкіндік береді, – деді ол.

Сонымен қатар, Қазақстан Президенті Қасым-Жомарт Тоқаевтың Жапонияға мемлекеттік сапары аясында ERG Hitachi және Mitsui & Co., Ltd. компанияларымен өзара серіктестік туралы меморандумдарға қол қойды. Бұл құжаттар озық технологияларды енгізу, өндірісті жаңғырту, декарбонизация және «жасыл» экономиканы дамыту бағыттарын қамтиды.

ERG пен Mitsui & Co., Ltd. арасындағы меморандум тау-кен байыту және металлургиялық жабдықтарды жаңғырту, ауыр тау-кен техникасын электрлендіру, күйдіру машиналарын модернизациялау арқылы көміртегі ізін азайту жобалары аясындағы ынтымақтастықты көздейді.

Ал Hitachi Construction Machinery компаниясымен жасалған меморандум карьерлік техникада қолданылатын Hitachi EH4000 жүк көліктерін гибридті жүйеге көшіру, жасанды интеллект пен цифрлық технологияларды енгізу арқылы тау-кен жабдықтарының тиімділігі мен сенімділігін арттыруға бағытталған.

Тараптар көміртегі ізі төмен өнімдерді халықаралық нарықтарға жеткізу, логистика мен жеткізу тізбектерін жетілдіру, минералды ресурстарды сату, сақтау, кедендік және көлік инфрақұрылымын дамыту мәселелерін бірлесе зерделеуге келісті.

Кездесулер қорытындысы бойынша Шухрат Ибрагимов серіктестіктің маңызын былай деп атап өтті:

– Жетекші жапон компанияларымен жасалған келісімдер ERG дамуының жаңа кезеңін бастайды. Бұл әріптестік технологиялық жаңғыруды жеделдетіп, экологиялық таза шешімдерді енгізуге және қазақстандық өнеркәсіптің әлеуетін кеңейтуге жол ашады. Қол қойылған меморандумдар Мемлекет басшысының өнеркәсіптік егемендікті нығайту және жоғары технологиялық өндірістерге көшу жөніндегі тапсырмаларына толық сай келеді, — деді ол.

ERG алдағы уақытта да халықаралық серіктестермен бірлесе отырып, өндіріс процестерін трансформациялау, көміртегі ізі төмен өнімдер шығару және Қазақстанның маңызды ресурстар нарығындағы орнын нығайту бағытындағы жұмыстарды жалғастыра бермек.

Соңғы жаңалықтар

Әйгілі «Үйде жалғыз» фильмі үлгісіндегі пряник үйі Гиннес рекордын орнатты

Әлем • Бүгін, 11:20

Активтерді қайтару: 7,5 млрд теңге Қарағанды облысының медицинасына жұмсалады

Медицина • Бүгін, 11:07

Илон Масктың байлығы рекордтық деңгейге жетті

Әлем • Бүгін, 10:51

World Boxing: Махмұд Сабырхан «Жылдың үздік боксшысы» атағына ұсынылды

Бокс • Бүгін, 10:45

Алматыда ірі көлемдегі есірткі арнасы жойылды

Оқиға • Бүгін, 10:32

Франция президентінің резиденциясынан заттар ұрланған

Әлем • Бүгін, 10:27

Қарағанды мектептеріне төнген қауіп туралы ақпарат жалған болып шықты

Оқиға • Бүгін, 10:17

Президент, спортшылар, мәдениет майталмандары: Ел ризашылығына бөленген 2025 жылдың үздіктері кімдер?

Қоғам • Бүгін, 10:04

Килиан Мбаппе Криштиану Роналдудың рекордын қайталады

Спорт • Бүгін, 09:52

Зейнетақы 10%-ға өседі: 2026 жылы зейнеткерлер қанша теңге алады?

Оқиға • Бүгін, 09:45

Жаңа жылдан бастап ел азаматтары жеке куәлікті тегін алады

Қоғам • Бүгін, 09:33

Бүгінгі доллар бағамы қандай?

Қаржы • Бүгін, 09:26

ERG мен Жапония әріптестігі: Галлий өндірісіндегі Қазақстанның серпілісі

Экономика • Бүгін, 09:15

Арқалық тасжолында 45 жылқы тиеген жүк көлігі аязда қалып қойды

Оқиға • Бүгін, 09:00

Алматыда жер сілкінісі сезілді

Төтенше жағдай • Бүгін, 08:33

Барлық жаңалықтар