Еурокеңес басшысы Украинаның ЕО ға қосылу үдерісін күрделі болатынын айтты

АСТАНА, 25 сәуір – Sputnik. Украинаның Еуропалық одаққа қосылу үдерісі басқа елдердегідей ұзақ әрі күрделі болады, оған нақты уақыт межесін белгілеу мүмкін емес. Бұл туралы Еуропалық кеңес басшысы Антониу Кошта Кипрде өткен ЕО-ның бейресми саммиті қорытындысында айтты, деп хабарлайды РИА Новости.

"Еуропалық комиссияның барлық бағалауларында айтылған жайттар бізді қатты таңғалдырды: Украинадағы жағдай күрделі болғанымен, ел айтарлықтай ілгерілеуге қол жеткізді. Алайда бұл үдерістің соңы емес — ол әлі де ұзаққа созылатын әрі өте күрделі процесс. Сондықтан оған жасанды уақыт шектеулерін, мысалы бірнеше ай немесе он жыл сияқты нақты мерзімдерді белгілеуге болмайды", — деді ол журналистердің Украинаның ЕО-ға қашан қосылуы мүмкін екені туралы сұрағына жауап бере отырып.

Оның айтуынша, ЕО-ға мүше барлық мемлекет бұл үдерістің қаншалықты күрделі екенін жақсы біледі. Мысал ретінде ол өз елі Португалияны келтіріп, оның Еуропалық одаққа қосылуына тоғыз жыл кеткенін еске салды.