Еурокомиссия басшысы Украина келіссөздеріндегі ілгерілеушілік бар екенін айтты

АСТАНА, 29 желтоқсан - Sputnik. Еурокомиссия төрағасы Урсула фон дер Ляйен ЕО көшбасшыларының АҚШ президенті Дональд Трамппен Украина бойынша келіссөздерінде ілгерілеушілікке қол жеткізілгенін мәлімдеді, деп хабарлады РИА Новости.

Финляндия президенті Александр Стубб бұған дейін Франция, Италия, Германия және Польша көшбасшылары, НАТО бас хатшысы Марк Рютте, Норвегия премьер-министрі Йонас гар Стере және Еуропалық Комиссия төрағасы Урсула фон дер Ляйен еуропалық көшбасшылар мен Трамп және Владимир Зеленский арасындағы әңгімеге қатысқанын хабарлаған болатын.

"Біз АҚШ, Украина президенттері және бірқатар еуропалық көшбасшымен бейбітшілік келіссөздері бойынша бүгінгі кездесуін талқылау үшін телефон арқылы бір сағатқа созылған әңіме жүргіздік. Жақсы ілгерілеушілікке қол жеткізілді, біз оны құптаймыз. Еуропа бұл ілгерілеуді нығайту үшін Украинамен және біздің америкалық серіктестерімізбен жұмыс істеуді жалғастыруға дайын", - деп жазды ол X әлеуметтік желісінде.

Бұған дейін Ресейдің тікелей инвестициялар қорының бас директоры Кирилл Дмитриев Флоридада арнайы елші Стивен Виткоффпен және америкалық Affinity Partners компаниясының негізін қалаушы Джаред Кушнермен келіссөздер жүргізді. Ол келіссөздерді сындарлы деп атады және талқылаулар бүгін, жексенбіде жалғасып жатыр.

Путиннің көмекшісі Украина делегациясының Майамиде болған-болмағанын білмейтінін нақтылады. Ол АҚШ-тың Еуропа және Украинамен консультацияларынан кейін бейбітшілік орнату туралы ешқандай құжаттарды әлі көрмегенін айтты.

Кремльдің баспасөз хатшысы Дмитрий Песков келіссөздердің жаңа кезеңін ұйымдастырмас бұрын Вашингтон, ЕО және Киев арасындағы байланыстардың нәтижелерін қайта қарау қажет екенін айтты. Ол еуропалықтардың қатысуымен қол жеткізілген келісімдер Ресей үшін жақсылық әкелмейтінін мәлімдеді.