Пентагон басшысы өзге ғаламшарлықтардың бар болуы мүмкін екенін айтты

АҚШ-тың соғыс министрі Пит Хегсет өзге ғаламшарлықтардың бар екенін жоққа шығармайтынын мәлімдеді. Ол нақты ақпарат ведомство НЛО тақырыбы бойынша деректерді жариялағаннан кейін белгілі болатынын атап өтті. Бұл туралы РИА Новости хабарлады.

Бұған дейін АҚШ президенті Дональд Трамп, өзінен бұрынғы президент Барак Обама өзге ғаламшарлықтардың бар екенін мойындағаннан кейін, Пентагонның жерден тыс өмір мен НЛО туралы ақпаратын жариялауға уәде берген еді. Трамп бұл мәселені «аса күрделі, бірақ өте қызықты әрі маңызды» деп атады.

«Көрейік. Мен деректерді қарап шығамын және білетін боламын», – деді Хегсет өзге ғаламшарлықтардың бар-жоғы туралы сұраққа жауап беріп.

Сонымен бірге ол Пентагон басшысы ретінде жерден тыс өмірге қатысты файлдарды жариялау оның міндеттерінің қатарына кіретінін еш ойламағанын қосты.

«Біздің мамандар қазір осы бағытта жұмыс істеп жатыр. Мен қанша уақыт қажет болатынын алдын ала айтқым келмейді, бірақ біз іске кірісіп кеттік», – деп атап өтті Хегсет.

Ақпан айының басында Обама америкалық блогер Брайан Коэнге берген сұхбатында өзге ғаламшарлықтардың бар екеніне сенетінін, бірақ өзі оларды көрмегенін айтқан. Кейін ол президенттік мерзімі кезінде өзге ғаламшарлықтармен байланыс орнатылғанына дәлелдер көрмегенін нақтылады. Бұған қатысты Трамп оның құпия ақпаратты ашқанын мәлімдеген болатын.

Бүгін, 13:28