​ІІМ ЖСН ды өзгерту мүмкіндігі туралы қауесетті теріске шығарды

Әлеуметтік желіде қазақстандықтар, соның ішінде жеке деректер тарап кеткеннен кейін, ЖСН-ды өзгерту мүмкіндігіне ие болды деген ақпарат тарады. 

Ішкі істер министрлігі бұл ақпаратты теріске шығарды.

Ведомство азаматтардың заңда белгіленген тәртіппен уәкілетті органдарға жүгініп, тегін, атын, әкесінің атын және басқа да жеке деректерін шынымен өзгерте алатынын түсіндірді.

Дегенмен ЖСН адамға бір-ақ рет беріледі және өзгертуге жатпайды.

Сонымен, деректер тарап кеткеннен кейін ЖСН-ды ауыстыру мүмкіндігі туралы ақпарат шындыққа жанаспайды.

Кеше, 19:10