ҚазМұнайГазда газ химия департаментінің басшысы сайланды

«ҚазМұнайГаз» ҰК» АҚ Газ-химия департаментінің директоры болып Демеу Сейтжанов тағайындалды. Ол ұлттық оператордың саладағы басты жобаларын іске асыруға жетекшілік етеді, деп хабарлайды Petrocouncil.kz.

Демеу Сейтжанов КИМЭП-те «Қаржы» мамандығы бойынша білім алған, сондай-ақ Назарбаев Университетінде MBA бағдарламасын аяқтаған.

Оның мұнай-газ секторында және мемлекеттік басқаруда көпжылдық жұмыс тәжірибесі бар:

Еңбек жолын «ҚазТрансГаз-Аймақ» АҚ-да түрлі лауазымдарда бастаған.

ҚР Энергетика министрлігінде бес жылдан астам уақыт жұмыс істеп, газ басқармасының бастығынан Газ және мұнай-газ-химия департаментінің директорына дейінгі жолдан өтті.

Екі жылдан астам Экология министрлігі Экологиялық реттеу және бақылау комитеті төрағасының орынбасары лауазымын атқарды.

2023 жылы «Атамекен» ҚР ҰКП-да мұнай-газ секторы және экология жөніндегі басқарушы директор болып жұмыс істеді.

2023–2025 жылдары «Казахгаз Аймак» АҚ басқарушы директоры лауазымын атқарды.

2025 жылдан 2026 жылға дейін «КМГ Қарашығанақ» ЖШС-де бас директордың қаржы жөніндегі орынбасары болып жұмыс істеді.

ҚМГ Газ-химия департаменті компанияның стратегиялық жобаларын басқаруға, соның ішінде полиэтилен өндірісіне, газ сепарациялау қондырғысының (ГСҚ) құрылысына және басқа да ірі химиялық бастамаларға жауап береді.

Бүгін, 14:24