Еуропа елдері Украинаға әскер жіберу жоспарын әзірледі

АСТАНА, 31 желтоқсан – Sputnik. Еуропа елдері "ниеттестер коалициясы" аясында Украинаға әскер жіберу жоспарын әзірледі, деп хабарлады РИА Новости Welt газетіне сілтеме жасап.

"Украинаның қауіпсіздік кепілдіктері қандай болуы керектігі туралы жоспар бекітілді", - делінген басылымда.

Жоспарды Ұлыбритания мен Францияның әскери сарапшылары Брюссельмен бірлесіп әзірлеген. Дереккөздің мәліметінше, еуропалық елдер атысты тоқтату туралы келісім күшіне енгеннен кейін алты ай ішінде Украинаға 10 мыңнан 15 мыңға дейін әскер жібере алады.

Басылым сонымен қатар Париж бен Лондонның Киевтен ресми шақыру алса, БҰҰ немесе ЕО мандатынсыз да мұндай миссияға қатысуға дайын екенін айтады.

Сонымен қатар, Украинамен шекаралас елдер де атысты тоқтатуды әуеден және теңізден бақылай алады. Бұл ретте Түркия жоспардың осы аспектісінде маңызды рөл атқаратыны айтылған.

Бұған дейін Ресей сыртқы істер министрінің орынбасары Сергей Рябков Мәскеудің ешқашан, ешқандай жағдайда да, Украинада НАТО әскерлерін орналастыруға келіспейтінін, олар тіпті "ниеттестер коалициясының" мүшелері болған жағдайда да келіспейтінін хабарлаған болатын.

Ресей сыртқы істер министрлігі НАТО-ға мүше мемлекеттердің әскерлерін Украинада орналастыруға қатысты кез келген сценарий Мәскеу үшін мүлдем қолайсыз және қақтығыстың күрт ушығып кету қаупі бар екенін мәлімдеді.