ЕҰУ мен Қытайдың Сиань Цзяотун Университеті ынтымақтастық орнатты

Еуразия ұлттық университеті мен Қытайдың Сиань Цзяотун университеті ынтымақтастық орнатты.

Енді жоғары оқу орындары ғылыми және академиялық байланысты дамытады. Онлайн сабақтар өткізіп, студенттер мен оқытушылар арасында тәжірибе алмасу көзделіп отыр. Халықаралық ғылыми-тәжірибелік конференция аясында осындай маңызды уағдаластық жасалды. Жиында жасанды интеллекттің журналистикадағы ролі мен медиа саланың болашағы сөз болды. Шетелдік профессор жасанды интеллектті қолданудағы тәжірибесімен бөлісті.

Ву Фэн- Сиань, Цзяотун Университеті журналистика және жаңа медиа институтының директоры:

- Қазір әлемде жасанды интеллект ақпараттық салаға белсенді түрде еніп келеді. Қытайда бұл технология кеңінен қолданыс тапқан. Болашақта Қазақстан да ЖИ-ді медиа саламен ұштастырып, жаңа деңгейге көтеріледі деп сенемін. Әрине жасанды интеллект ақпарат саласына кейбір қиындықтар алып келуде, бірақ оны бірлесе жұмыс істей отырып еңсеруге болады деп ойлаймын.