Фон дер Ляйен мен Зеленский Еуроодақ көмегін талқылады

АСТАНА, 2 ақпан – Sputnik. Еурокомиссия басшысы Урсула фон дер Ляйен дүйсенбі күні Украина президенті Владимир Зеленскиймен Ресей, АҚШ және Украина өкілдерінің БАӘ-де өтетін кезекті келіссөзі қарсаңында Еуроодақ қолдауын талқылағанын хабарлады.

"Осы аптадағы бейбіт келіссөз алдында Зеленскиймен сөйлестім… Жылдар бойы Еуропаның Украинаға көрсетіп отырған қолдауы бәсеңдеген жоқ", – деп жазды ол X әлеуметтік желісінде.

Фон дер Ляйен еуроодақ Киевке қаржылай көмек көрсетіп, энергетика саласында да қолдау көрсетіп отырғанын еске салды.

Бұған дейін Ресей президентінің баспасөз хатшысы Дмитрий Песков Украина бойынша келіссөздің келесі раунды Абу-Дабиде 4–5 ақпанда өтетінін хабарлаған болатын.

Абу-Дабиде 23 қаңтарда Ресей, АҚШ және Украина өкілдерінің қауіпсіздік мәселелері бойынша консультациясының алғашқы күні өтті. 24 қаңтарда екінші кездесу болды.