Франция бейбіт Украинаға әскер жіберуге дайын Макрон

АСТАНА, 7 қаңтар – Sputnik. Франция президенті Эммануэль Макрон "France 2" арнасына берген сұхбатында елдің Украинаға бірнеше мың әскер жіберуге дайын екенін айтты, деп хабарлады РИА Новости.

"Біз осы көпұлтты күштердің құрамында әскер орналастыруға дайынбыз. Біз соғыс қимылдарына қатыспаймыз – мен мұны отандастарымыз түсінуі үшін анық айтқым келеді. Біз атыс тоқтағаннан кейінгі кезең туралы айтып отырмыз. Бұл бірнеше мың әскер болуы мүмкін. Дегенмен бұл бірден болмайды – әскер орналастыру біздің шетелдегі операцияларымыздың бөлігі ретінде жоспарланады және жүзеге асырылады", - деді ол.

Эммануэль Макрон Ресей президенті Владимир Путинмен алдағы апталарда әңгімелесуі мүмкін екенін мәлімдеді.

"Владимир Путинмен байланыс процесін құру қажет. Қысқа мерзімді перспективада Украинаны қолдау жалғасуы керек. Қазіргі уақытта байланыс қайта құрылымдалып жатыр. Ол алдағы апталарда жүзеге асырылуы тиіс. Мақсат – Украинаның берілуінсіз бейбітшілікке қол жеткізу", – деді Макрон.

Қыркүйектің басында Парижде Ұлыбритания премьер-министрі Кир Стармер мен Франция президенті Эммануэль Макронның төрағалығымен "ниеттестер коалициясы" деп аталатын ұйымның отырысы өтті. Саммиттен кейін Франция басшысы 26 елдің қақтығыс тоқтағаннан кейін Украинаға тежеу ​​күштерін орналастыруға дайын екенін білдірді.