Францияда хакерлер спорт министрлігіне шабуыл жасады

Францияның Спорт, жастар және қоғамдық өмір министрлігі хакерлік шабуылға ұшырады.

Ведомствоның хабарлауынша, 3,5 миллионнан астам азаматтың жеке деректері ұрланған. Бұған дейін Францияның Ішкі істер министрлігі де кибершабуылға тап болған еді. Хакерлер билік өкілдерінен бір апта ішінде байланысқа шығуды талап етуде. Егер талап орындалмаса, олар 16 миллион адамның құпия ақпаратын жариялауды жоспарлап отыр. Қолды болған мәліметтер арасында қызметтік құжаттар, іздеудегі адамдардың тізімі, сондай-ақ қылмыскерлер, құрбандар мен куәгерлер туралы ақпарат бар.