Футзалдан әлем чемпионаты: Қазақстан қай құрамаларға қарсы ойнайды?

Фото: kff.kz

Негізгі іріктеу кезеңіне 36 құрама қатысып, 12 топқа бөлінді. Кездесулер үйде және сырт алаңда өтетін жүйе бойынша ұйымдастырылады.

Қазақстан құрамасы 6-топқа түсті. Бұл топта ұлттық құрама футзалшылары Беларусь және Албания футзал құрамаларымен кездеседі.

Негізгі раунд ойындары 2026 жылдың қазан, қарашасы, желтоқсаны айларында, сондай-ақ 2027 жылдың 22 ақпаны мен 3 наурызы аралығында өтеді.

Байсуфинов қызметінен кетті ме: ҚФФ баспасөз қызметі жауап берді

Іріктеу қорытындысы бойынша 12 топтың жеңімпаздары және екінші орын алған үздік төрт команда әлем чемпионатына жолдама беретін элиталық кезеңге тікелей өтеді.

Ал өз тобында екінші орын алған қалған сегіз құрама келесі кезеңге шығу мүмкіндігін плей-офф арқылы сарапқа салады.

Еске сала кетейік, ұлттық құрама турнир фавориттерінің бірі саналады. ФИФА-ның әлемдік рейтингінде Қазақстан ұлттық құрамасы әлемдегі ең мықты ондықтың 8-сатысына жайғасқан.