Газпром мен Нафтогаз дауы бойынша АХҚО шешіміне Қазақстанның қатысы жоқ министрлік

АСТАНА, 22 мамыр – Sputnik. Әділет министрлігінің мәлімдеуінше "Астана халықаралық қаржы орталығының" соты Қазақстанның сот жүйесінің бөлігі емес болғандықтан, АХҚО-ның "Газпром" мен "Нафтогаз" арасындағы дауға қатысты шешіміне Қазақстанның ешқандай қатысы жоқ.

Бірнеше БАҚ "Астана халықаралық қаржы орталығының" (АХҚО) соты Украинаның "Нафтогаз" компаниясына "Газпромнан" 1,4 миллиард доллар өндіріп алуға рұқсат бергені туралы хабарлады.

Әділет вице-министрі Даниэль Ваисов Қазақстанның бұл мәселеге ешқандай қатысы жоқ екенін мәлімдеді.

"Астана халықаралық қаржы орталығының" соты мемлекеттік орган немесе Қазақстанның сот жүйесінің бөлігі емес. Заңды тұрғыдан ол экстерриториялық болып табылады. Коммерциялық дауларды шешуде бұл ұйым біздің ұлттық заңнамамызды емес, өзінің регламенттері мен халықаралық ережелерін басшылыққа алады", - деп атап өтті Вайсов.

Ол сондай-ақ сотта даулы мәселе бұрын шығарылған арбитраждық шешімді тану қарастырылғанын айтты.

"Менің білуімше, бұл істе АХҚО соты даудың мәнін қарастырған жоқ. Бұл жолы тек Швейцарияда бұрын шығарылған арбитраждық шешімді тану мәселесі қарастырылды", - деді ол.

Ваисов сонымен қатар "Газпром" ЖАҚ компаниясының бұл сот шешімінің күшін жою бойынша өтініш беруге толық құқығы бар екенін қосты.