Green Card 2027 лотереясы: АҚШ жаңа талаптар енгізеді

Негізгі жаңалықтардың бірі – өтініш берудің бастапқы кезеңінде құжаттардың цифрлық көшірмелерін ұсыну міндетті болады. Бұл шара алаяқтықпен күресті күшейтіп, қатысушыларды сәйкестендіруді жеңілдетуге бағытталған.

Жаңартылған талаптарға сәйкес, енді үміткерлер тек жарамды шетелдік паспорттың деректерін көрсетіп қана қоймай, паспорттың жеке деректері мен иесінің қолы бар беттерінің скан-көшірмелерін жүйеге жүктеуі тиіс. Бұл құжаттарсыз тіркеу мүмкін болмайды.

Сонымен қатар анкета терминологиясына да өзгерістер енгізілді. Бұрын қолданылған кең ұғымдардың орнына нақты анықтамалар пайдаланылады:

«гендер» деген баған «жыныс» деп өзгертіледі;

«жас» бағанының орнына нақты туған күні көрсетілуі керек.

Бұл өзгерістер бағдарламадағы қаржылық реформаларды да толықтырады. Еске салсақ, 2025 жылдың қыркүйегінен бастап лотереяға тіркелу үшін 1 доллар көлемінде міндетті төлем енгізілген. Бұған дейін өтініш беру тегін болған.

АҚШ билігі бұл қадамға жалған өтініштердің көбеюі және өткен жылдың желтоқсанында визалардың уақытша тоқтатылуы сияқты жағдайларға байланысты барған.

Жаңа ережелер **Diversity Visa Program арқылы 2027 жылға арналған Green Card алуға үміткер барлық қатысушыларға қатысты болады.

Айта кетейік, бұған дейін Green Card лотереясына қатысу ақылы болатынын жаздық.