IFW: Еуропа Украинаға көрсетілетін көмектің көлемін арттырды

АСТАНА, 14 тамыз – Sputnik. 2026 жылдың мамыр-маусым айларында Еуропа Украинаға бағытталған көмектің көлемін едәуір арттырып, Киевке шамамен 11 миллиард еуро бөлді. Бұл туралы Киль дүниежүзілік экономика институтының (IFW) мәлімдемесінде айтылған.

IfW мәліметінше, 2026 жылдың наурыз-сәуір айларында Еуропа бөлген қаражаттың жалпы көлемі шамамен 6,7 миллиард еуроны құраған.

"2026 жылғы мамыр мен маусым айларында Еуропа Украинаға бөлінетін көмектің көлемін айтарлықтай арттырды. Бұған негізгі себеп жақында енгізілген "Украинаны қолдау кредиті" (90 миллиард еуро көлемінде – ред.) болды. Оның аясында еуропалық институттар осы екі айда шамамен 11 миллиард еуро бөлді", – делінген IfW мәлімдемесінде.

IfW мәліметінше, шамамен 11 миллиард еуроның 4,3 миллиарды тікелей әскери көмекке, ал 6,7 миллиарды қаржылық және гуманитарлық қолдауға бағытталған.

Киевке арналған 90 миллиард еуролық кредит аясында қаражат бөлуден бөлек, Еуропа елдері де жеке көлемде қаржы бөлген. Германия тікелей әскери көмекке 900 миллион еуро, Дания 600 миллион еуро, ал Нидерланд 500 миллион еуро бөлді.

Қаржылық және гуманитарлық көмек аясында ең көп қаражатты Ұлыбритания – 1,5 миллиард еуро, Швеция – 360 миллион еуро, ал Норвегия 140 миллион еуро көлемінде бөлген, деп хабарлады IfW.