ІІМ азаматтарға үндеу жасады

Бұған соңғы уақытта әлеуметтік желілерде тараған видеолар себеп болған. Онда жастар сауда орталықтарында немесе көшеде қоғамдық тәртіпті бұзып, көпке кедергі келтіріп жүр. Сондықтан полиция мұндай әрекеттер үшін заңда жауапкершілік қарастырылғанын ескертеді. Сондай-ақ жуырда елордада болған осындай оқиға бойынша құқықбұзушы 15 тәулікке  қамауға алынғанын да хабарлады.

Шыңғыс Алекешев, ІІМ ресми өкілі:

- Бұл – қоғамдық тәртіпті бұзу, көпшілікке құрметсіздік көрсету, ар-ұятқа жат қылық. Қоғамдық орында жасалған кез келген заңға қайшы немесе ұят әрекетке жол берілмейді. Заңға сәйкес жауапқа тартылады. Баршаға, әсіресе жастарға айтарымыз: күмәнді интернет-трендтерге ермеңіздер. Өзіңізді де, айналадағы адамдарды да құрметтеңіздер.