Илон Маск тарихтағы алғашқы триллионер атанады БАҚ

Америкалық кәсіпкер Илон Маск 12 маусым, жұма күні SpaceX акцияларының саудасы басталған соң тарихтағы алғашқы триллионер атанады. Бұл туралы Reuters агенттігі хабарлады, деп жазады Tengrinews.kz.

Америкалық кәсіпкер Илон Маск 12 маусым, жұма күні SpaceX акцияларының саудасы басталған соң тарихтағы алғашқы триллионер атанады. Бұл туралы Reuters агенттігі хабарлады, деп жазады Tengrinews.kz.

Бейсенбіде SpaceX акцияларды алғашқы жария орналастыру (IPO) параметрлерін жариялады. Инвесторларға әрқайсысы 135 доллардан 555,6 миллион бағалы қағаз ұсынылады.

Сауда-саттықтың басталуы 2026 жылдың 12 маусымына жоспарланған. SpaceX акциялары Nasdaq Global Select Market және Nasdaq Texas алаңдарында SPCX тикерімен бір мезгілде айналымға шығады. Негізгі орналастыру көлемі 75 миллиард долларды құрайды.

"Маск байлығының негізгі бөлігі SpaceX-пен байланысты, ондағы оның үлесі шамамен 866 миллиард долларға бағаланады. Tesla, xAI, Neuralink, The Boring Company және басқа да жобалардағы активтерін ескергенде, кәсіпкердің жалпы байлығы SpaceX акцияларының саудасы басталғаннан кейін 1,1 триллион доллардан асуы мүмкін", - деп жазады Reuters.

SpaceX-тің нарыққа шығуы соңғы жылдардағы ең көп күтілген IPO-лардың бірі деп аталып жатыр - ол 2019 жылы 25,6 миллиард доллар тартқан Saudi Aramco-ның бұған дейінгі рекордынан үш есеге жуық асып түсті.

Сол кезде Aramco-ның құны 1,7 триллион долларды құраған еді. Сонымен қатар БАҚ-тың хабарлауынша, акциясы 135 доллардан орналастырылған жағдайда SpaceX-тің жалпы бағасы 1,75 триллион долларға жетеді.

Салыстырмалы түрде айтсақ, әлемдегі ең бай адамдар тізімінде екінші орында тұрған Google негізін қалаушылардың бірі Ларри Пейдждің дәулеті БАҚ болжамы бойынша шамамен 300 миллиард долларды құрайды.