Инфрақұрылымға жаңа серпін: әлеуметтік нысандар елордалықтарға қызмет көрсетіп жатыр

Астананы дамыту барысында инфрақұрылымдық және әлеуметтік нысандардың салынуына ерекше көңіл бөлеміз, – деп хабарлайды Aikyn.kz сайты.

Оларға тіршілікті қамтамасыз ету жүйелері (жылу, электр қуаты, су), мектептер, балабақшалар және оқушылар сарайлары кіреді. Біз сондай-ақ әлеуметтік нысандардың құрылысына жеке қаржыландыруды тартамыз.

Қалада 4 Оқушылар сарайы жұмыс істейді (екеуі – мемлекеттік, екеуі – жекеменшік). Былтыр жалпы саны 4 мың орынға есептелген 2 жекеменшік нысан пайдалануға берілді: «Sana Bilim» – 2 мың орын (Тұран даңғылы), «Sana Sport» спорттық және шығармашылық орталық – 2 мың орын (Қажымұқан көшесі). 

Қазіргі уақытта біз қосымша тағы төрт білім беру нысанын (Оқушылар сарайы) салып жатырмыз. Оның үшеуі – мемлекеттік, ал біреуі жеке инвестициялардың есебінен салынып жатыр.

Биыл екі нысанның құрылысын аяқтауды жоспарлап отырмыз:

- Мұхамедханов пен Ш.Айтматов көшелерінің қиылысында орналасқан 2000 орындық «TANYM» көпфункционалды кешені (мемлекеттік).

- Сығанақ көшесі, 17/41 мекенжайында орналасқан 2000 орындық «BIART» шығармашылық индустрия мектебі (жеке инвестициялар есебінен).

2026 жылы көпфункционалды екі кешенді пайдалануға беру жоспарланып отыр:

- Ақан Сері мен С189К көшелерінің қиылысында орналасқан 2000 орындық көпфункционалды кешен (мемлекеттік);

- М.Төлебаев көшесіндегі 2000 орындық көпфункционалды кешен (мемлекеттік).

2027 жылы тағы екі нысанды пайдалануға беру жоспарланып отыр:

- Түркістан даңғылы мен Бұқар Жырау көшесінің қиылысындағы 2000 орындық көпфункционалды кешен (мемлекеттік);

- Қарасай батыр мен Қарталы көшелерінің қиылысындағы 2000 орындық көпфункционалды кешен (мемлекеттік).