Қызылорда облысында әлеуметтік нысандар ашылады

Республика күніне орай Қызылорда облысында ауқымды іс-шаралар өтеді.  

Аудан мен ауылдарда әлеуметтік нысандар мен өндіріс орындары ашылады. Жалпы жыл басынан бері өңірде 677,1 мың шаршы метр тұрғын үй пайдалануға берілді. Бұл 2024 жылмен салыстырғанда 4,8 пайызға көп. Өңір тұрғындары бірлік мен тәуелсіздіктің белгісі болған ұлттық мерекенің мән-маңызын түсінеді. Тағылымы мол іс-шаралар патриоттық сезімді нығайтады дейді.

Жанар Сағынбаева, университет оқытушысы: 

- Республика күні мемлекеттігіміздің іргетасы қаланған тарихи күн. Бұл мереке ұлттық саяси болмысымыздың ергкіндігі мен азаттығын айқындайтын маңызды белес. Жастар осы күннің мәнін терең түсінсе, еліміздің болашағы берік болады деп ойлайды. 

Ибадулла Таутенов, зейнеткер:

- Республика күні бұл ата-бабаларымыз ежелден аңсаған, тәуелсіздіктің белгісіне қол жеткізген күн деп есептейміз. Бұл күн халықтың намысын, келешекке деген сенімін оятады. Бұл өткенге тағзым, болашаққа сенім артатын күн деп есептейді.    

Салтанат Бижігітқызы, студент:

- Республика күні ол бізге елдің дербес шешім қабылдай алатынын еске салатын, тәуелсіз мемлекет екенімізді еске салатын күн болып табылады. Өз тағдырымызды өзіміз айқындайтын тәуелсіз мемлекетке айналдық. Бұл біздің ең үлкен құндылығымыз болып саналады. Бұл күн бізге жауапкершіліктің, бірліктің, татулықтың қажет екенін ұғындырады. Республика күні біздің ең басты құндылықтарымыздың бірі деп санаймын.