Инклюзивті білім жүйесіне реформа қажет

Өскемен белсенділері инклюзивті білім беру жүйесіне өзгерістер енгізуді ұсынып отыр. Бұл туралы олар Парламент Сенатының депутаты Ольга Булав-кинамен кездесуде мәлімдеді. 

Коррекциялық орталықтарда сабақтың ұзақтығы небәрі 20 минут. Бұл уақыт балалардың тақырыпты меңгеруіне жеткіліксіз дейді. Сондықтан ата-аналар, ақылы түрде мұғалім жалдауға мәжбүр. Сенатор да бұл саладағы жүйені жетілдіру керек дейді. Депутаттың пікірінше, 18 жасқа толғаннан кейін, мүгедектігі бар азаматтардың білім алуы мен ем-домына бөлінетін төлемдер тоқтап қалмауы тиіс.

Ольга Булавкина, ҚР Парламенті Сенатының депутаты:

- Өкінішке қарай, 18-ге толғаннан кейін мемлекеттік органдар тарапынан мүгедектігі бар балалардың ата-анасына төленетін ақы тоқтап қалады. Бұл дұрыс емес, себебі жасы кәмелетке келгенмен шын мәнісінде олардың ақыл-ойы жетілмеген, ерекше күтімді қажет етеді. Осы мәселені қайта қарау керек деп санаймын.