Инклюзивті білім: игі бастама іске асады

Әрбір бала мектепке баруға құқылы.

Алматыда басталған Инклюзивті білім берудің Дүниежүзілік конгресіне қатысушылар осы мәселені талқыға салды. Инклюзивті білім беру әлемнің барлық мемлекетінде өзекті. Біздің елде әр оныншы бала ерекше білім беруді қажет етеді. Ресми мәлімет бойынша 18 жасқа дейінгі 235 мыңнан аса ерекше бала бар. Соның 100 мыңы инклюзивті білім алады. Қазақстан осы саладағы өз тәжірибесімен бөліспек. Елде алғаш рет ұйымдастырылған халықыралық шараға 50 мемлекеттен 195 сарапшы келді. Олар үш күн бойы ерекше білімді қажет ететін балаларды оқытудың заманауи әдістері мен жаңа технологияларды қолдану тәсілдерін талқылайды. Конгреске педагогтар, зерттеушілер, халықаралық ұйымдар мен инновациялық компаниялардың өкілдері қатысып жатыр. Сондай-ақ, БҰҰ мен ЮНЕСКО сарапшылары да бар. Оқу-ағарту министрі Жұлдыз Сүлейменованың айтуынша осы саладағы жұмысты ілгерілету үшін елде бірқатар маңызды бастама қолға алынады. 

Жұлдыз Сүлейменова, ҚР Оқу-ағарту министрі:

- Осы мүмкіндігі шектеулі балаларға көрсетілетін көмек тиімді, сонымен қатар ол кең көлемде болуы үшін арнайы цифрлық платформа құрылатын болады. Мүмкіндігі шектеулі оқушыларға көрсетілетін психологиялық-педагогикалық қызмет лицензияланатын болады. Бұдан бөлек жалпы мүкіндігі шектеулі оқушы ретінде танылмаса да, бірақ аурудан кейін қолдауды қажет ететін азаматтарға, оның ішінде оқушыларымызға техниклық құрал-жабдықтарды тегін беру мәселесі қарастырылуда.

Ермек Мәжитов, Дүниежүзілік инклюзивті білім беру конгресінің басшысы:

- Жұмыс барысында 15 тақырып талқыланады. Оның ішінде медицина, білім, мәдениет, жасанды интеллект сонымен қатар әлемнен келген 51 мемлекеттің қатысушылары, оның ішінде сарапшылар өз жұмыстарын әлемдік деңгейдегі өздерінің жобаларын көрсетеді.