Инновация операция бөлмесі ашылды

Педиатрия және балалар хирургиясы ғылыми орталығында Қазақстан Республикасында сараптамалық кластың ең жаңа жабдығы — Calculase III лазерлік жүйесімен жарақтандырылған алғашқы операциялық бөлменің салтанатты ашылуы өтті, - деп хабарлайды  Aikyn.kz.

Салтанатты рәсімге Жапонияның ҚР-дағы Төтенше және Өкілетті Елшісі Ясумаса Иидзима мырза қатысты. Жабдық Жапония Үкіметінің «KUSANONE (Корни травы/Шөп тамыры)» гранттық бағдарламасы шеңберінде орнатылған.

«Инновация операция бөлмесінің көрінісін тез өзгертіп, хирургияның тиімділігі мен қауіпсіздігін арттырады. Calculase III лазерлік жүйесі алғаш рет Қазақстанның балалар урологиясында балалардағы несеп шығару жүйесінің туа біткен және жүре пайда болған ауруларын эндоскопиялық диагностикалау және емдеу үшін қолданылады», — деп атап өтті урология бөлімшесінің меңгерушісі Бақытжан Әбекенов.

Бұрын төменгі несеп шығару жолдарының патологиясы бар балаларға операциялар ашық әдіспен, ұзақтығы 2 сағатқа дейін және 14 күнге дейін емдеуге жатқызылды.

Лазерлік литотрипсияны енгізумен:

• операцияның ұзақтығы 20 минутқа дейін қысқарды;

• жұмсақ маскалық наркоз қолданылады;

• бала емшарадан кейін бірден анасына берілуі мүмкін;

• емдеуге жатқызу мерзімі 7 күнге дейін қысқарды.

Әдістің басты артықшылығы - жарақат алу және операция кезінде де, операциядан кейінгі кезеңде де қауіптерді азайту.

Педиатрия және балалар хирургиясы ғылыми орталығы қазақстандық балаларға ең заманауи және қауіпсіз емдеу әдістеріне қол жеткізуді қамтамасыз ете отырып, инновацияларды енгізуді жалғастыруда.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.