Иран президенті елдегі интернет блоктау мәселесін шешуге ниетті

Иран вице-президенті Мохаммад-Реза Ареф ел президенті Масуд Пезешкианның елдегі интернетті бұғаттау мәселесін шешуге ниетті екенін, оның еш пайдасы жоқ екенін мәлімдеді, деп хабарлайды Tengrinews.kz РИА Новостиге сілтеме жасап.

Агенттік материалда Иран үкіметі порталының мәліметін келтірген.

"Президент (интернеттегі - ред. ескертпесі еск.) бұғаттауларға қатысты мәселені жабу туралы шешім қабылдады, алайда әртүрлі ұйымдар мен заң инстанцияларына байланысты бұл процесс біраз уақытты алады, бірақ бұғаттау мәселесі біртіндеп шешіледі", - деді саясаткер.

Ол ел қауіпсіздігіне нұқсан келтіретін қадамдарға қарсы тұру қажеттігін атап өтті, ал бұғаттаулар оларды айналып өту құралдарын жаппай қолдануға әкеп соқтырды, бұл өз кезегінде қауіп төндіреді.

"Университет оқытушысы ретінде бұғаттаулардың елге қандай пайда әкелетінін түсінбеймін", - деп толықтырды Ареф.

2025 жылдың соңында - Ирандағы жаппай наразылықтар мен АҚШ-пен қақтығысқа байланысты интернет шектеулеріне дейін - ирандық БАҚ биліктің Telegram, YouTube, Instagram сияқты әлеуметтік желілер мен интернет-платформаларды пайдалануға қойылған шектеулерді алып тастау мәселесін зерттеп жатқанын хабарлаған болатын.

Telegram Иранда 2018 жылдың сәуір айында компанияның заңнаманы сақтамауына байланысты сот шешімімен бұғатталған еді. Facebook пен Twitter 2009 жылы президент сайлауынан кейінгі наразылықтар аясында бұғатталған болатын.

2022 жылы адамгершілік полициясы ұстағаннан кейін белсенді Махса Аминидің қаза болуына байланысты басталған наразылықтар кезінде Instagram мен WhatsApp та осындай күй кешті, кейінірек WhatsApp қолжетімді болды. YouTube-ке кіру "Мұсылмандардың пәктігі" фильміне байланысты 2012 жылдан бері шектелген, бірақ оған дейін де видеохостинг бірнеше рет бұғатталған еді.

Еске сала кетейік, осы жылдың маусым айында Иранның жоғарғы көшбасшысы Моджтаба Хаменеи екі мыңнан астам сотталған адамға кешірім жасауға немесе жазасын жеңілдетуге бұйрық берді.

Google News арқылы жаңалықтарымызды қадағалаңыз