Ирандағы соғыс Қытайдың беделін түсірді

Ирандағы соғыс Қытайдың беделіне соққы болып, Трамптың Пекинге сапары қарсаңында жағдайды ушықтырды. Бұл туралы Ведомости хабарлады.

АҚШ пен Израильдің Иранға қарсы әскери операциясы Қытайдың халықаралық беделіне ауыр зардабын тигізді. Ормуз бұғазының жабылуы әлемдік мұнай мен газ тасымалына қауіп төндіріп, Пекиннің энергетикалық қауіпсіздігіне тікелей соққы болды.

Қытай сыртқы істер министрлігі барлық тарапты әскери әрекеттерді тоқтатуға шақырғанымен, нақты араласудан бас тартты. Бұл ұстаным халықаралық сарапшылар тарапынан «риторикалық мәлімдеме» деп бағаланды.

Иран Қытайдың басты серіктестерінің бірі болып келген: елдің мұнай экспортының 80–90%-ы Қытайға бағытталған, ал 2021 жылы тараптар 25 жылдық стратегиялық келісімге қол қойған еді. Дегенмен, соңғы оқиғалар Пекиннің аймақтағы ықпалын әлсіретті.

The Diplomat басылымы Қытайдың энергетикалық қауіпсіздігіне, қорғаныс экспортына және «Бір белдеу – бір жол» бастамасына соққы тигенін атап өтті. Сарапшылардың пікірінше, Қытай мұндай дағдарыстарға нақты жауап беруге дайын емес және АҚШ-пен қарым-қатынасты ушықтырмауға тырысуда.

Бұл жағдай АҚШ президенті Дональд Трамптың Пекинге жоспарланған сапары қарсаңында Қытайдың беделін одан әрі әлсіретіп отыр. Эксперттер бұл саммит Трамптың жеңісін бекіте түсіп, Қытайдың халықаралық аренадағы әлсіздігін айқын көрсетеді деп санайды.

Бүгін, 19:01