Ішкі істер министрлігі дабыл қақты: Threads та танысамын деген алаяқтар көбейді

Қазақстанның Ішкі істер министрлігі әлеуметтік желілердегі танысу туралы хабарландырулар арқылы әрекет ететін алаяқтар жөнінде ескертті, – деп хабарлайды Aikyn.kz сайты.

Әсіресе Threads платформасында мұндай жағдайлар жиілегені айтылды.

Ведомствоның мәліметінше, қаскөйлер өзін тартымды адам ретінде таныстырып, жәбірленушінің сеніміне кіреді. Кейін олар ақша аударуды, соның ішінде криптокошелькке немесе үшінші тұлғалар арқылы жіберуді сұрайды.

ІІМ азаматтарға егер әңгімелесуші ақша аударуды талап етсе, бейнеқоңыраудан жалтарса немесе өзге біреудің фотосуреттерін пайдаланса, сақ болуға кеңес береді. Сондай-ақ жеке деректер мен ақшаны бермеу, күмәнді сілтемелерге өтпеу, парақшаларды мұқият тексеру және күдік туған жағдайда байланысты дереу тоқтату ұсынылады.