Израиль салған қырғын: Газа секторындағы шабуылдардан қаза тапқандар саны артты

Палестиналық анклавқа жасалып жатқан шабуылдар 2025 жылғы 10 қазанда жасалған атысты тоқтату туралы келісімге қарамастан жалғасып келеді.

Газа секторындағы денсаулық сақтау министрлігінің мәліметінше, соңғы 24 сағат ішінде ауруханаларға екі адамның мәйіті жеткізілген. Олардың бірі бұған дейін Израиль шабуылы кезінде алған жарақаттарының салдарынан көз жұмған.

2025 жылғы 10 қазаннан бері Израильдің Газаға жасаған шабуылдары нәтижесінде 775 адам қаза тауып, 2 171 адам жараланған.

Ал қираған ғимараттардың үйінділері астында мыңдаған адамның денесі қалып отырғаны айтылып жатыр.

Еске сала кетсек, биыл,ы ақпан айында Израильдің Газа секторына әуе шабуылдарын қайта бастағанын жаздық.