Канадада хантавирусты жұқтырудың алғашқы жағдайы анықталды

Канадада хантавирус жұқтырған науқас анықталды, оның бұл вирусты жұқтырғаны расталды, - деп хабарлайды TengriHealth тілшісі The Guardian-ға сілтеме жасап.

Канадада хантавирус жұқтырған науқас анықталды, оның бұл вирусты жұқтырғаны расталды, - деп хабарлайды TengriHealth тілшісі The Guardian-ға сілтеме жасап.

16 мамырда Ұлыбритания Колумбиясында карантинде отырған төрт канадалықтың бірінен хантавирусқа тапсырған тест оң нәтиже көрсетті. Олар үш адамның өмірін қиған ауру ошағы тіркелген MV Hondius круиз кемесінің бортында болған.

Екі күн бұрын науқастың денесі қызып, бас ауруын қоса алғанда жеңіл симптомдар пайда болған. Содан кейін ол тексерілу үшін ауруханаға жеткізілді.

Ұлыбритания Колумбиясының бас санитарлық дәрігері Бонни Генри тест нәтижесі "алдын ала оң" болғанын және оны нақтылау үшін Виннипегтегі ұлттық зертханаға жіберілгенін айтты. Оның сөзінше, науқастың жағдайы тұрақты, симптомдар жеңіл болып отыр, қазір ол дәрігерлердің бақылауында.

Науқастың серіктесінің тест нәтижесі теріс шыққан. Дегенмен ол да қосымша бақылау үшін ауруханада қалды. Вирус жұқтырған адаммен байланыста болған тағы бір адам сақтық мақсатында ауруханаға жатқызылған, ал төртінші адам үй карантинінде отыр.

Сәуірдің басында Нидерландқа тиесілі MV Hondius круиз кемесі Атлантика арқылы сапарға шыққан. Бортта 23 елден шамамен 150 адам болған. Саяхат кезінде бірнеше адамда ауыр респираторлық ауру белгілері байқала бастаған. Мамырдың басында ДДСҰ лайнерде хантавирус ошағы тіркелгенін мәлімдеді. Ауруға "Андес" штамы себеп болған. 10 мамырда лайнер Тенерифе маңына тоқтады. Жолаушылар мен экипаждың бір бөлігі жағаға шығарылып, кейін арнайы рейстермен карантинге жіберілді.

Google News арқылы жаңалықтарымызды қадағалаңыз

Канада

хантавирус

Денсаулық