Kcell бір жылда 2 млн нан астам күмәнді қоңырауды бұғаттады

Egemen.KZ дереккөзінен алынған мәліметтерге сүйене отырып, Qazaq24.com түсініктеме жасады..

«Кселл» АҚ Парламент депутаттарына, құқық қорғау органдарының қызметкерлеріне және салалық мемлекеттік органдардың өкілдеріне телефон алаяқтығына қарсы іс-қимыл бойынша жүргізілген жұмыстың нәтижелерін таныстырды, деп хабарлайды Egemen.kz.

фото: «Кселл» АҚ баспасөз қызметі

Kcell компаниясы 20 жылдан астам уақыт бойы алаяқтыққа қарсы (антифрод) инфрақұрылымды жүйелі түрде дамытып келеді. Компанияның мамандандырылған бөлімшесі 2004 жылдан бері тәулік бойы жұмыс істейді, ал алаяқтық схемаларды анықтауға арналған өнеркәсіптік жүйе (Fraud Management System) 2008 жылдан бастап қолданылады.

2024 жылы бұл жүйе толықтай жаңартылды. Сонымен қатар оператор қолданатын SMS-файерволдар мен арнайы қорғаныс жүйелері күмәнді трафикті абонентке жетпей жатып-ақ сүзгіден өткізеді.

2022 жылдан бастап отандық нөмірлерді бөгде қосымшалар арқылы иемденіп алу әрекеттеріне тосқауыл қоятын құрал іске қосылды. Сондай-ақ заңсыз («сұр») трафик бағыттарын анықтап, бұғаттайтын тестілік қоңыраулар сервисі жұмыс істейді.

2025 жылы антифрод-жүйе аномальды белсенділікке қатысты 66 мыңнан астам сигналды өңдеді, олардың 87%-ы алаяқтық болып шықты. 2024 жылы шамамен 2,8 млн күмәнді қоңырау бұғатталса, 2025 жылы бұл көрсеткіш 2 млн-нан асты.

Алматыда алаяқтыққа қатысы бар 17,6 мың интернет-ресурс бұғатталды

Абоненттерді қосымша қорғау үшін Kcell желісінде алаяқ нөмірлерді автоматты анықтау сервисі қолданылады, оны оператордың қосымшасы арқылы іске қосуға болады. Дерекқор күн сайын компанияның жеке аналитикасы мен серіктестер деректері негізінде жаңартылып отырады. Бұл пайдаланушыларды кіріс қоңырау кезінде арнайы белгі арқылы ескертуге мүмкіндік береді.

«Тек байланыс операторлары, банктер мен мемлекеттік органдардың тығыз өзара іс-қимылы арқылы азаматтарды қорғаудың шын мәнінде тиімді жүйесін құруға болады. Біздің міндетіміз – қауіп-қатерге әрекет ету уақытын қысқарту және абоненттердің цифрлық ортада өзін қауіпсіз сезінуі үшін барынша жағдай жасау», деді «Кселл» АҚ басқарма төрағасы Асқар Жамбакин.

Алаяқтардың айласы өзгерді: Енді ақшаны «курьер» болып алып кетеді

Прокуратурамен бірлескен жұмыс аясында алаяқтар жаппай қоңырау шалу үшін қолданатын 49 SimBox және SimBank құрылғысы тәркіленіп, 28 күдікті қолға түсті. Осы жылдың қаңтар айында Алматы қаласында шетелдік алаяқтардың call-орталығы әшкереленді.

Полиция дерегі: Алаяқтардың арбауына көбінде кімдер ілінеді?

2024 жылдың жазында құрылған Ұлттық банктің Антифрод-орталығы байланыс операторлары, қаржы секторы және мемлекеттік органдар арасындағы үйлестірудің негізгі алаңына айналды. 2025 жылдың соңында Kcell антифрод-орталықтың сұранымдарын өңдеуге қосылып, деректермен автоматтандырылған алмасуды енгізе бастады.

Соңғы жаңалықтар