​Kcell желісіндегі ақау қазақстандықтарды байланыссыз және интернетсіз қалдырды

Kcell ұялы байланыс операторының жұмысында күрделі техникалық іркіліс орын алды. Ел аумағындағы қолданушылар дауыстық байланыстың жоқтығын және мобильді интернетке қосыла алмай жатқанын хабарлап жатыр.

Байланыс сапасына қатысты мәселе туралы Астана, Алматы қалаларының және Қазақстанның өзге де өңірлерінің тұрғындары айтып жатыр. Әлеуметтік желіде белсенді талқыланып жатқан алдын ала мәліметтерге сәйкес, ақау оператордың жалпы абоненттік базасының 30 пайызына дейін әсер еткен болуы мүмкін.

Ресми жауап 

Kcell компаниясы техникалық ақаулардың барын растап, тұтынушылардан кешірім сұрады. 

«Желіде дауыстық байланыс пен мобильді интернет тұрақсыз жұмыс істеп тұр. Бұл — жаппай сипат алған іркіліс. Егер сізге қолайсыздық тудырсақ, өкінішті. Ақауды аз уақытта жою үшін бар күшімізді салып жатырмыз», — деп мәлімдеді оператордың баспасөз қызметі.

Абоненттердің реакциясы 

Қазақстандықтар байланыстың жұмыс күнінің қызған уақытында кенеттен жоғалып кеткеніне наразылық білдірді. Қолданушылар қолдау көрсету қызметіне хабарласудың қиындағанын, ал байланысқа шыққандар колл-орталық операторларынан нақты жауап ала алмай жатқанын айтады.

Көптеген тұтынушы оператордың желуіде ақау туындап қалуы мүмкін екені туралы алдын ала ескертпегеніне наразы. Алайда компания бұл іркілістің жоспардан тыс екенін алға тартады. 

Қазіргі уақытта мамандар желінің жұмыс қабілеттілігін қалпына келтіруге тырысып жатыр.

Бүгін, 18:19