Киев Ресейге соққы жасау үшін британиялық дрондарды пайдаланып жатыр БАҚ

АСТАНА, 16 тамыз – Sputnik. Украина Ресей аумағының ішіне қарай соққы жасау үшін британиялық өндірістен шыққан дрондарды қолдана бастады. Бұл туралы The Times газеті Украина Қарулы күштеріндегі дереккөзіне сілтеме жасап хабарлады.

"Британиялық дрондар алғаш рет Ресейдің негізгі аумағына соққы жасау үшін қолданылды. Британиялық екі компания жасаған дрондар Украинаға жеткізілді, ал украиналық күштер бұл қаруды... қашықтан соққы жасау үшін пайдаланып жатыр", — делінген жарияланымда.

Басылымның Украина Қарулы күштеріндегі сұхбаттастарының айтуынша, британиялық дрондар соңғы жарты жылда Ресей аумағының ішіне қарай жасалған шабуылдарда, атап айтқанда, мұнай өңдеу зауыттарына соққы беру үшін қолданылған. Олардың қатарында BAE Systems компаниясының еншілес кәсіпорны жасаған Nyan ұшқышсыз аппараты да бар.

Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.