Көлікті полиция майоры тізгіндеген: Алматы Қорғас тасжолында үш адам қаза тапты

Фото: Ашық дереккөз

Haval автокөлігін 37 жастағы полиция қызметкері Абылай Жарылқасынұлы басқарған. Журналистің айтуынша, қазіргі уақытта ол Қылмыстық кодекстің 345-1-бабы бойынша күдікті ретінде танылды. Аталған бап алкогольдік, есірткі немесе уытты масаң күйде көлік құралын басқару кезінде жол қозғалысы ережелерін немесе көлік құралдарын пайдалану қағидаларын бұзып, ауыр зардаптарға әкеп соқтырғаны үшін жауапкершілікті көздейді.

Әл-Фарабидегі жол апатынан қаза тапқан қыздың әкесі күдіктіден 100 млн теңге талап етті

Сараптама нәтижесі бойынша жүргізушінің ағзасындағы этил спиртінің мөлшері 3,3 промилле болғаны анықталған.

Жүргізуші ішкі істер органдарында 15 жылдан астам қызмет атқарып, майор шеніне дейін көтерілген.

Әл-Фарабидегі жол апатынан қаза тапқан Томиристің әкесі жәбірленуші деп танылды

Жүргізуші қарсы қозғалыс жолағына шығып, жоғары жылдамдықпен Audi көлігімен соқтығысқан. Салдарынан Audi көлігіндегі бір отбасы көз жұмды. Онда 40-41 жастағы ерлі зайыпты мен олардың 20 жастағы қызы болған. Отбасындағы тағы екі бала ауруханада жатыр. Сондай-ақ ерлі-зайыптының бір жасқа толмаған немересі де ауруханаға жеткізілген. Журналистің айтуынша, зардап шеккендер ауыр жарақат алған.

Түркістан облысында жол апатынан бір отбасының бес баласы қаза тапты

Haval көлігінің жолаушысы да ауруханаға жатқызылды. Кейінірек ауруханаға түскендердің бірінің алған ауыр жарақатынан көз жұмғаны белгілі болды.

Алматыдағы резонансты іс: Әл-Фараби даңғылындағы апатқа кінәлі жүргізушіге үкім шықты

Айта кетейік, Жетісу облысындағы тасжолда болған жол-көлік оқиғасы салдарынан 5 адам қайтыс болды. Ал түрлі жарақат алған 2 адам ауруханаға жеткізілді.