Көріпкелдер мен экстрасенстердің табысы күрт қысқарды

Алайда мұндай күрт төмендеу ел тұрғындарының сиқыр мен тылсым күштерге деген қызығушылығы азайды дегенді білдірмейді. Сарапшылардың айтуынша, жарияланған мәліметтер эзотерикалық қызметтер нарығының тек бір бөлігін ғана қамтиды.

Біріншіден, статистика тек заңды тұлғалар мен қызмет түрі тиісті түрде тіркелген жеке кәсіпкерлердің деректері негізінде жасалады. Ал заңсыз жұмыс істейтін балгерлер мен экстрасенстер бұл есепке мүлде енгізілмейді.

Тәжікстанда балгерге барғандарға айыппұл салынады

Екіншіден, тіркелген оккульттік қызмет өкілдері бойынша да мәліметтер толық емес. Ұлттық статистика бюросы шағын кәсіпорындар мен жеке кәсіпкерлерді іріктемелі әдіспен зерттейді. Ал заңды түрде жұмыс істейтін балгерлердің басым бөлігі дәл осы санатқа жатады. Сондықтан есептілікті тапсыру міндеті олардың барлығына бірдей жүктелмейді. Сарапшылардың пікірінше, жыл сайынғы көрсеткіштердің айтарлықтай құбылуы да осыған байланысты: әр жылы статистикаға әртүрлі балгерлер еніп, олардың табыс көлемі де өзгеше болады.

Зейнетақы қоры соңғы 11 жылда 13 трлн теңге табыс тапты

2025 жылғы көрсеткіштер нені аңғартады?

Зерттеуге сәйкес, балгерлердің (оған астрологтар мен спириттер де кіреді) табысы экстрасенстердің табысынан әлдеқайда жоғары болды. Балгерлер 222,8 млн теңге тапса, экстрасенстердің табысы 56,8 млн теңгені құрады.

Есеп берген мамандардың жалпы табысы – 279,6 млн теңге, ол түгелдей халықтан түскен. Оның ішінде кірістің 96 пайызы қала тұрғындарына, ал небәрі 4 пайызы ауыл тұрғындарына тиесілі.

Қазақстанда көріпкелдердің қызметі заңды түрде реттелген бе?

Өңірлер бойынша зерттеуге қатысқан балгерлердің ең жоғары табысы Қостанай облысында тіркелген – 222,8 млн теңгенің 216 млн теңгесі осы өңірдің үлесінде. Бұдан бөлек, балгерлердің табысы Ақмола, Шығыс Қазақстан және Павлодар облыстарында да тіркелген. Мұндай бөлініс биылғы іріктемеге негізінен Қостанай облысының балгерлері енгенін аңғартады.

2024 жылы іріктеменің негізгі бөлігін Батыс Қазақстан облысының (1,4 млрд теңге) және Астана қаласының (0,7 млрд теңге) балгерлері құраған еді.

Қазақстан IT-қызметтердің экспортынан 1 млрд доллардан астам табыс тапты

Ал зерттеуге енгізілген экстрасенстердің табысының 65 пайызы немесе 36,9 млн теңгесі Маңғыстау облысына тиесілі. Екінші орында Қарағанды облысы – 26,5 пайыз (15,1 млн теңге). Шығыс Қазақстан облысының үлесіне 7 пайыз немесе 4,2 млн теңге келеді.