Кувейт 55 тәуліктен кейін алғаш рет азаматтық авиацияға әуе кеңістігін ашты

– Кувейт жергілікті әуежайларға келетін жолаушылар ұшақтары үшін өзінің әуе кеңістігін ашты, – деді агенттік тілшісіне сұхбат берген дереккөз.

Оның айтуынша, бұл шешім елдің авиациялық билігінің тиісті қаулысына сәйкес қабылданған.

Сонымен бірге барлық рейстер Кувейттің азаматтық авиация басқармасымен алдын ала келісіліп отыруы тиіс.

– Мұндай рұқсатсыз бірде-бір рейс әуе кеңістігіне кіре алмайды, – деді дереккөз.

Кувейт аспаны азаматтық авиация үшін 28 ақпан күні күннің бірінші жартысында АҚШ пен Израильдің Иранға қарсы әскери операциясы басталғаннан кейін жабылған.

Бүгінге дейін Кувейт Таяу Шығыста әуе кеңістігі толық немесе ішінара ашылмаған соңғы ел болып келген еді.

Айта кетейік, наурыз айында Кувейтте америкалық бірнеше әскери ұшақтың апатқа ұшырағанын жаздық.