Магниттік дауыл кезінде адам ағзасында қандай өзгеріс болады?

Egemen.KZ парақшасынан алынған деректерге сүйене отырып, Qazaq24.com жаңалық жариялайды..

2 сәуір күні таңертеңнен бастап Жерде геомагниттік құбылыстар байқала бастады. Ғалымдардың айтуынша, бұл құбылыс Күндегі короналдық тесіктің әсерінен туындап отыр, ал алдағы сағаттарда магниттік дауыл күшеюі мүмкін, деп жазады Egemen.kz.

Фото: Pexels.com

Күн астрономиясы зертханасының мәліметінше, Жерге әсер етіп жатқан негізгі фактор – Күн тәжіндегі плазманың тығыздығы мен температурасы төмен аймақ, яғни короналдық тесік. Соның салдарынан жақын арада магниттік дауылдың G1-G2 деңгейі (бес балдық шкала бойынша) күтіліп отыр.

Астрономдар Күндегі белсенділік қалыпты деңгейде болғанымен, оның қауіпті аймаққа жақын орналасқанын айтады.

«Күн дискісінің орталық бөлігіне ірі дақтар тобы шығып келеді. Дәл осы аймақ наурыз айының соңында соңғы екі айдағы жалғыз X деңгейлі жарқылды тудырған еді. Мұндай жағдайда плазма бұлттары Жерге тікелей бағытталуы мүмкін, соның салдарынан радиациялық дауыл қаупі жоғарылайды», дейді мамандар.

Күнде қуатты жарқыл тіркелді: Жерге қалай әсер етуі мүмкін?

Ғалымдардың болжамынша, короналдық тесіктің әсері 2-3 сәуір күндері айқын сезіледі.

Әдетте G1-G2 деңгейіндегі әлсіз магниттік дауылдар айтарлықтай қауіп тудырмайды. Дегенмен, кейбір жағдайларда:
– энергетикалық жүйелерде болмашы ауытқулар байқалуы мүмкін;
– радиобайланыста әлсіз кедергілер туындауы ықтимал;
– магнит өрісіне тәуелді жануарлардың көшу бағытында өзгерістер болуы мүмкін.

Күн бетінде алапат жарылыс тудыра алатын энергия жинақталып жатқан болуы мүмкін

Сонымен қатар, сезімтал адамдарда жеңіл әлсіздік немесе бас ауруы байқалуы ықтимал.

Ал егер геомагниттік белсенділік G3 және одан жоғары деңгейге жетсе, онда:
– спутниктік жүйелер мен GPS жұмысына әсер етуі мүмкін;
– байланыс жүйелерінде іркілістер болуы ықтимал;
– полярлық шұғыла бұрынғыдай оңтүстік ендіктерде көрінуі мүмкін.