Magnum да сатылатын жұмыртқа тексеріліп, стандартқа сай емесі кері қайтарылды

Қазақстан Республикасы Сауда және интеграция министрлігі Техникалық реттеу және метрология комитетінің Жетісу облысы бойынша департаменті тауық жұмыртқасы қаптамада көрсетілген салмаққа сәйкес келе ме деген сұраққа жауап беруге әрекеттенді, – деп хабарлайды Aikyn.kz сайты.

Өнімнің қаптамада көрсетілген салмағына, оның ішінде өнімді сатып алу фактісін растайтын құжаттарға сәйкестігі мәселесі бойынша өтініш тіркеліп, «Е-өтініш» жүйесі арқылы келіп түскен азамат Н.-ның өтініші негізінде «Magnum Cach & Carry» ЖШС-нің Талдықорған қаласындағы филиалына жоспардан тыс тексеру жүргізді.

Сауда нысанына жоспардан тыс тексеру барысында, «таңдаулы» санаттағы танымал ALSAD, AҚ-ҚҰС, QARQUS маркаларының жұмыртқаларына таразылық бақылау жүргізілді. ГОСТ 31654-2012 сәйкес, «таңдау» санатындағы жұмыртқалардың номиналды салмағы, 60-тан 65 граммға дейін болуы керек.

Айта кету керек, сауда желілерінде сатылатын өнімдердің қаптамасында да 60-65 грамм бірлік салмағы көрсетілген. Өлшеу нәтижелерінің сенімділігін қамтамасыз ету үшін, тексеруге аккредиттелген зертхананың метролог маманы тартылды. Бақылау таразыларының нәтижелері бойынша AҚ-ҚҰС, QARQUS маркалы жұмыртқалар қаптамада көрсетілген салмаққа сәйкес келетіні анықталды.

«ALSAD» тауар белгісінің жұмыртқаларында нормативтік құжаттың талаптарына сәйкессіздік анықталды. Жоспардан тыс тексеру кезінде қолда бар жұмыртқа партиясынан бақылау таразысына 70 дана кездейсоқ таңдалды, оның ішінде 13 дана таңбалаудан минус 0,1-ден 2,3 граммға дейін айырмашылыққа ие болды. Нормативтік құжаттың талаптарына сәйкес, сатылып жатқан партияның қаптамада көрсетілген талаптарға сәйкес келмейтіні анықталды.

Жоспардан тыс тексеру қорытындысы бойынша «Magnum Cach & Carry» жауапкершілігі шектеулі серіктестігінің Талдықорған филиалына, анықталған сәйкессіздікті жою туралы ұйғарым шығарылды. Таразылық бақылау нәтижелері бойынша, нормативтік құжаттың талаптарына сәйкес келмейтін өнім партиясы, өндірушіге қайтарылды. Қолданыстағы заңнама шеңберінде қарау үшін, тексеріс материалдарын, «Alsad» сауда маркалы жұмыртқа өндірушінің орналасқан жері бойынша, ішкі істер басқармасына жолданды.