Маңғыстауда Құлалы аралынан 40 қа тарта итбалықтың өлексесі табылды

Мониторингке құзырлы орган өкілдері мен гидробиология және экология институтының мамандары да қатысқан.

Олар жағалаудың бірнеше шақырымын жаяу жүріп өтіп, нәтижесінде 37 итбалықтың өлексесін тапқан. Оның ішінде 7 итбалықтан тиісті сынамалар алынған.

Мониторинг жұмыстарына 2 шағын көлемді кеме және ҰҚК Шекара қызметі Маңғыстау облыстық департаменті жағалау күзетінің 2-дивизионына қарасты жылдам жүргіш катер жұмылдырылған.

Бұған дейін, Маңғыстауда теңіз жағалауынан 200-ге жуық итбалық өлексесі табылғанын жазған болатынбыз.