Мәскеудегі Абай ескерткішіне 20 жыл толды

АСТАНА, 4 сәуір – Sputnik. Қазақстанның Ресейдегі Елшісі Дәурен Абаев, Астана қаласы мәслихатының депутаттары, сондай-ақ елшіліктің дипломаттары "Чистые Пруды" бульварындағы Абай Құнанбаев ескерткішіне гүл шоқтарын қойды.

© Посольство Казахстана в РоссииВозложение цветов к памятнику Абаю в Москве

Возложение цветов к памятнику Абаю в Москве

© Посольство Казахстана в России

Іс-шара Қазақстан мен Ресей президенттерінің қатысуымен 2006 жылдың 4 сәуірінде өткен ескерткіштің ашылуының 20 жылдығына арналды.

"Мәскеу орталығында Абай ескерткішінің ашылуы Ресейдің тек ұлы қазақ ойшылына ғана емес, бүкіл қазақ халқына деген құрметін білдіреді. Соңғы 20 жылда екі ел арасындағы мәдени байланыстар кеңейіп, нығая түскен, үнемі өткізілетін бірлескен іс-шаралар бұған куә", - деп атап өтті Астана қаласы мәслихатының төрағасы Табиғат Зейнұлқабден.

Ескерткішке арналған орынның таңдалуы кездейсоқ емес. "Чистые Пруды" бульварында бастапқыда Қазақ КСР-нің Тұрақты өкілдігі болған, ал қазір Қазақстанның Ресейдегі елшілігі орналасқан.

© Посольство Казахстана в РоссииВозложение цветов к памятнику Абаю в Москве

Возложение цветов к памятнику Абаю в Москве

© Посольство Казахстана в России

"Ескерткіш – Қазақстанның Мәскеуге тарту еткен сыйы. Композицияның авторлары – мүсіншілер Марат және Саид Айнековтар, сәулетші Валерий Романенко, дизайнер Тимур Сүлейменов, суретші Эдуард Дробицкийлерден тұратын шығармашылық ұжым", - делінген елшілік хабарламасында.

Монумент авторларының бірі Саид Айнеков өз естеліктерінде айтып өткендей, соңғы дайындық өте жауапты болған, процесс күрделі ауа райы жағдайында - минус 20 градус температурада жүргізілген.

© Посольство Казахстана в РоссииВозложение цветов к памятнику Абаю в Москве

Возложение цветов к памятнику Абаю в Москве

© Посольство Казахстана в России

"Ескерткішті жасау бойынша жұмысқа деген ұстанымды, жалпы еңбектің ұйымдастырылуын, Жуковскийдегі комбинаттағы жұмыс процесін ұмыту мүмкін емес. Сонымен қатар, комбинатта ресейлік мүсіншілермен таныстығымыз да ұмытылмас естелік", - деп еске алады қазақстандық мүсінші.

© Посольство Казахстана в РоссииВозложение цветов к памятнику Абаю в Москве

Возложение цветов к памятнику Абаю в Москве

© Посольство Казахстана в России

Ашылған сәттен бастап ескерткіш отандастарымыздың сүйікті орнына, сондай-ақ қазақстандық ресми делегациялар дәстүрлі түрде барып шығатын жердің біріне айналды. Жыл сайын 10 тамыз, Абай күнінде, мұнда ұлы ақынның өлеңдері мен әндері шырқалады.