Ресейлік RT телеарнасына 20 жыл толды

АСТАНА, 17 қазан — Sputnik. RT телеарнасы 20 жылдық мерейтойын атап өтіп жатыр.

RT халықаралық телевизия желісі 2005 жылы іске қосылды. Осы жылдар ішінде ол бүкіл әлем бойынша ең сұранысқа ие медиа жобалардың біріне айналды. RT брендімен сегіз арна ағылшын, испан, араб, неміс, француз, серб тілдерінде ақпарат таратады және екі деректі арна бар.

Соңғы жиырма жылда RT жұмысы табысты болғанына оның даму хронологиясы дәлел:

2005 — ағылшын тілінде халықаралық арнаның ашылуы;

2007 — араб арнасының іске қосылуы;

2009 — испан арнасы.

2010 — RT America іске қосылды;

2013 — Ruptly атты жеке видеоагенттігінің ашылуы;

2014 — Лондоннан RT UK арнасы іске қосылды;

2018 – француз тілінде хабар тарату;

2021 – неміс тілінде хабар тарату;

2024 жыл – серб тіліндегі хабар тарату.

Делидегі RT India арнасы 2025 жылы ашылады деп жоспарланып отыр.