“Мен штурвалды өзіме тарттым“: Flydubai жолаушысы ұшақты құтқаруға қалай көмектескенін айтып берді

Дубайдан Тель-Авивке бағыт алған flydubai рейсінің жолаушысы Янив Хаюн экипаж командиріне жасалған шабуылдан кейін екінші пилотты қалай құрықтауға көмектескенін айтып берді, деп хабарлайды Tengri Travel.

Оқиғадан кейін ер адам Израиль премьер-министрі Биньямин Нетаньяхумен кездесті. Кездесуде жолаушының үстінде қан жұққан футболка болды.

Премьер-министр Биньямин Нетаньяху Бен-Гурион халықаралық әуежайында Дубайдан Израильге ұшқан ұшақтың кабинасына басып кірген жолаушы Янивпен кездесті.
Фото: Kobi Gideon (GPO) pic.twitter.com/PcCNzKLUKj

- Израиль Премьер-министрі (@IsraeliPM) 2026 жылғы 30 қыркүйек

The Times of Israel басылымының жазуынша, Янив Хаюн ұшақ кенет биіктігін жоғалта бастағанда бір сұмдық болып жатқанын түсінген. Екі минутқа жетпейтін уақыт ішінде әуе кемесі шамамен 5,2 мың метрге төмендеген.

"Біреу айғайлай бастады, жарық сөнді", - деді жолаушы Нетаньяху жариялаған видеода.

Янив, сен нағыз батырсың. Біз - арыстандардың еліміз!pic.twitter.com/55AgmAvzIG

- Benjamin Netanyahu - בנימין נתניהו (@netanyahu) 2026 жылғы 30 қыркүйек

Хаюн басқа жолаушылармен бірге пилоттар кабинасына кіруге тырысқан.

"Мен кіргенде екі орындықтың арасындағы құрал-саймандар панелі қасында шабуылдаушыны көрдім. Пилоттардың орнында ешкім болмады. Біреуі еденде жатты, екіншісі панельдің қасында болды", - деп нақтылады жолаушы.

Ер адамның айтуынша, ол екінші пилотты ұстап алып, қылқындыру әдісін қолданып, оны кабинадан сүйреп шығарған. Содан кейін басқа жолаушылар ер адамды еденде ұстап тұруға көмектескен.

Сондай-ақ Хаюн шабуылдаушы кабинадағы жабдықтарды зақымдамақ болғанын айтты.

"Ол ұшақты істен шығару үшін аспаптарды қиратуға тырысты", - деді ол.

Бір сәтте Хаюн штурвалды өзіне қарай тартқан.

"Сіз штурвалды тарттыңыз ба?" - деп қайта сұрады Нетаньяху.

"Мен "Әуе апаттарын тергеу" бағдарламасын көремін. Ұшақ түзеле бастады, содан кейін пилот маған басқаруды өз қолына алатынын айтты", - деп жауап берді Хаюн.

Айта кетейік, күдіктінің мақсаты туралы әзірге ресми мәлімет жоқ, тергеу амалдары жүріп жатыр.

30 қыркүйекте Дубайдан ұшып шыққан жолаушылар ұшағы басып алу қаупі туралы белгі берді. FZ1073 ұшағы алдымен 7700 кодын, кейін 7500 кодын жіберіп, бағытын өзгертіп, Сауд Арабиясына қарай бет алды. Израильдің жойғыш ұшақтары әуеге көтерілгені және борт бақылау сервистерінен уақытша жоғалып кеткені хабарланды.

Ұшақ қонғаннан кейін салоннан түсірілген суреттер пайда болды. БАҚ қан, айғай-шу және ұшақтың күрт төмендеуі туралы хабарлады. Бұл ретте ол кезде басып алу нұсқасы ресми түрде расталмаған болатын: Reuters агенттігі пилоттар арасындағы жанжал туралы нұсқаны таратқан еді.

Кейін желіде шұғыл қонудан кейінгі жаңа мәліметтер мен пышақпен шабуыл жасалғаны және пилоттар бірінің ұшақты бақылауға алуға тырысқаны туралы жолаушылардың айғақтары жарияланды. Бортта жолаушы ретінде болған тағы екі пилот ұшақты қондыруға көмектескен.

Бұған дейін БАҚ жараланған пилоттың жеке басын анықтаған болатын, ол Үндістан азаматы Смит Маччхар болып шықты. Жарияланған мәліметтерге сәйкес, ол екінші пилотпен болған жанжал кезінде пышақ жарақатын алып, қазір Сауд Арабиясындағы ауруханада жатыр.

Бізді Google-дың негізгі дереккөздер тізіміне қосыңыз