Мені хайуан, қарабет қылып көрсетті... : актер Асқар Жұмабек абақтыдан шығып, мәлімдеме жасады (видео)

Актер Асқар Жұмабек абақтыдан шығып, мәлімдеме жасады, – деп жазды Aikyn.kz. 

Оның қызбен жанжалдасқан видеосы әлеуметтік желіде таралып, жауапқа тартылған еді. Актер даулы оқиғаға қатысты өз шындығын жеткізді.

"10 күн уақыт өтті. Аллаға шүкір, шықтым. "Тұлға" дүкеніне рақмет айтқым келіп отыр 1 жылдан астам уақыт жұмыс істеп, 10 күнге жолдама алып бергеніне. Әрине, көңілге тиді. Мені бүкіл қазақ еліне хайуан, қарабет, қызды ұрып-соғатын адам ретінде көрсетті мені. Жақсы, солай-ақ болсын. Сендер үшін мен жауыз болдым. Ақталу үшін емес, бәрін қалай бар солай айтып беремін. Мен өте әділ адаммын. Иә, осындай жынды мінезім бар. Бірақ менде біреудің артынан сөйлеп, жамандау, соның арқасында хайп жинау деген жоқ. Тек хайп керек болды. Менің кешірімімді өзімнен күткісі келсе, ол адам бүкіл жерге олай жариялап шулатпайды. Өтірік ақпарат таратқан. Мені тепкіледі, шабуыл жасады деп. Мені оятқанына мен оған рақмет айттым. Иә боқтадым, ұрыстым. Маған бірінші боқтап жатқанын көрдім себебі. Кез келген ер адам ашуланады ол нәрсееге. Мен қыз баласының бетпақтанып бетіме келіп сөйлегенін көрген емеспін. Мен сондай тәрбие көріп өскен адаммын. Масқара тәрбиелімін деп айтпаймын. Біз адамбыз. Менде де болады қателік. Көп нәрсе айтқым келіп отыр. Оның барлығын алдағы уақытта айтып беремін. Өте төмен әрекет болды. Кім ұрыспай жатыр жұмыс орнында?", - дейді актер.

Сонымен қатар қазір мазасыз күйде жүргенін жасырмады.

«Сіздер ренжімеңіздер, менің ішім толған күйік болып тұр, қатты ашулымын! Өзімді қоярға жер таппай жүрмін. Аллах сабыр берсін, көркем мінез берсін маған», - дейді ол. 

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.